ՀՀ ՊՆ - Լուրեր

ՀՀ պաշտպանության նախարարի շրջայցը

<img height="188" width="250" align="left" alt="" src="/UserFiles/Image/shrjayts-2.jpg"/>Ս.թ. մայիսի 15-ին ՀՀ պաշտպանության նախարար Ս. Օհանյանը, ԶՈՒ գլխավոր շտաբի պետի տեղակալ, գեներալ-մայոր Հայկազ Բաղմանյանի և բարձրաստիճան մի խումբ սպաների ուղեկցությամբ աշխատանքային այցով եղավ հանրապետության հյուսիսարևելյան սահմանագոտու պաշտպանությունն իրականացնող զորամիավորման ստորաբաժանումներում և մարտական դիրքերում:

18/05/2009

Ավելին

«Անվտանգություն և համագործակցություն Կովկասյան տարածաշրջանում և նրա շուրջը» խորագրով միջազգային համաժողով

Մայիսի 15-16-ը Ազգային անվտանգության խորհրդի նախաձեռնությամբ Երևանում անցկացվում է «Անվտանգություն և համագործակցություն Կովկասյան տարածաշրջանում և նրա շուրջը» խորագրով միջազգային համաժողով:

15/05/2009

Ավելին

ՀՀ Պաշտպանության նախարար Սեյրան Օհանյանի ելույթը «Անվտանգությունը և համագործակցությունը Կովկասում և դրա շուրջ» խորագրով միջազգային համաժողովին

Հարգարժան դեսպաններ, հյուրեր, Տիկնայք և պարոնայք, Նախ ցանկանում եմ ողջունել ձեզ և միանալ այս միջոցառման կայացման առիթով արտահայտված գոհունակության խոսքերին: Այսօրվա համաժողովն անկասկած, մեծ կարևորություն ունի ոչ միայն Հայաստանի, այլ նաև տարածաշրջանի այլ երկրների համար: Լիահույս եմ, որ այն իր ներդրումը կունենա Կովկասյան տարածաշրջանում նաև պաշտպանության ու անվտանգության ոլորտում համագործակցության նոր գաղափարների ձևավորման գործում և նախադրյալներ կստեղծի փոխվստահության զարգացման նոր մոտեցումների ու ծրագրերի մշակման համար: Վերջին շրջանում նկատելի է Հարավային Կովկասի խնդիրների վրա միջազգային հանրության ուշադրության ավելացում, ինչը փաստվում է այն հանգամաքով, որ այսօր, Երևանում, բարձր մակարդակի այս միջոցառմանը զուգահեռ անց է կացվում նաև փորձագիտական մակարդակի միջազգային սեմինար` նվիրված Հարավային Կովկասի անվտանգության վերագնահատմանը: <img height="203" width="542" align="left" alt="" src="/UserFiles/Image/qnnarkum-1.jpg"/>

15/05/2009

Ավելին

Պաշտպանության նախարարի հանդիպումը Հարավային Կովկասում Մեծ Բրիտանիայի հատուկ ներկայացուցիչ Բրայան Ֆոլլի հետ

<img height="188" width="250" align="left" src="/UserFiles/Image/Fall.jpg" alt=""/>Ս.թ. մայիսի 14-ին ՀՀ պաշտպանության նախարար Սեյրան Օհանյանն ընդունեց Հարավային Կովկասում Մեծ Բրիտանիայի հատուկ ներկայացուցիչ Բրայան Ֆոլլին: Ընդգծելով երկու պետությունների համագործակցության բարձր մակարդակը՝ զրուցակիցներն անդրադարձան պաշտպանական բնագավառում փոխգործակցությանը:

14/05/2009

Ավելին

ՀՀ պաշտպանության նախարարի հանդիպումը ԵԱՀԿ երևանյան գրասենյակի ղեկավարի հետ

<img height="188" width="250" align="left" alt="" src="/UserFiles/Image/Kapinos.jpg"/>Ս.թ. մայիսի 14-ին ՀՀ պաշտպանության նախարար Սեյրան Օհանյանն ընդունեց ԵԱՀԿ երևանյան գրասենյակի ղեկավար, դեսպան Սերգեյ Կապինոսին: Հանդիպման ընթացքում պաշտպանության նախարարը բարձր գնահատելով ԵԱՀԿ երևանյան գրասենյակի հետ համագործակցությունը՝ դրական համարեց ԵԱՀԿ-ի կողմից Հայաստանի հասարակական կազմակերպությունների հովանավորումը զորակոչի դիտարկումների անցկացման գործում, քանի որ դրանց արդյունքում մշակվող զեկույցները կարող են օժանդակել հայտնաբերված թերությունների վերացմանը: Նշվեց, որ գործում է «թեժ գիծ»՝ դիտարկմանը օպերատիվ օժանդակություն ցուցաբերելու նպատակով:

14/05/2009

Ավելին

ՀԱՅՏԱՐԱՐՈՒԹՅՈՒՆ

Հարգելի քաղաքացիներ, Հանրապետությունում ս.թ. մայիսի 11-ից սկսված է ՀՀ զինված ուժերի 2009թ. գարնանային զորակոչը: ՀՀ իշխանությունների, ՀՀ պաշտպանության և ԶՈՒ գլխավոր շտաբի կողմից կատարվել են բոլոր նախապատրաստական աշխատանքները՝ զորակոչը կազմակերպված ու բարձր մակարդակով անցկացնելու համար, ամեն ինչ արվել է, որ մեր զինված ուժերը համալրվեն հոգով ու մարմնով առողջ երիտասարդներով:

14/05/2009

Ավելին

Տարածաշրջանային անվտանգության խնդիրներին նվիրված միջազգային խորհրդաժողով

<img height="167" width="250" align="left" alt="" src="/UserFiles/Image/conferance-1.jpg"/>ՀՀ Պաշտպանության նախարարության Ազգային ռազմավարական հետազոտությունների ինստիտուտի և Լիոնի անվտանգային միջավայրի և պաշտպանական հետազոտությունների միջազգային կենտրոնի նախաձեռնությամբ մայիսի 14-ին «Կոնգրես» հյուրանոցում իր աշխատանքները սկսեց «Հարավային Կովկասում անվտանգային միջավայրի վերագնահատում. Տարածաշրջանային հակամարտություններ, կայունություն և կերպափոխում» միջազգային կոնֆերանսը: Այն նվիրված է Հայաստանի, Լեռնային Ղարաբաղի Հանրապետության և Ադրբեջանի միջև զինադադարի կնքման 15 ամյակին: Կոնֆերանսում բացման խոսքով հանդես եկան ՀՀ Պաշտպանության նախարար Սեյրան Օհանյանը և Հայաստանում Ֆրանսիայի արտակարգ և լիազոր դեսպան Սերժ Սմեսոֆը:

14/05/2009

Ավելին

ՏԵՂԵԿԱՏՎՈՒԹՅՈՒՆ ՄԱՄՈՒԼԻ ՀԱՄԱՐ

<img height="162" width="250" align="left" alt="" src="/UserFiles/Image/PICT0010.jpg"/>Ս.թ. մայիսի 13-ին ՀՀ պաշտպանության նախարարության Պաշտպանական քաղաքականության վարչության պետ, գնդապետ Դավիթ Տոնոյանն ընդունեց քառօրյա այցով Հայաստանում գտնվող ԱՄՆ ռազմական քոլեջի ունկնդիրներին, որոնց կազմում էին բարձրաստիճան զինվորականներ և քաղաքացիական պաշտոնյաներ:

13/05/2009

Ավելին

ՀՀ պաշտպանության նախարարն ընդունեց Հայաստանում Բելառուսի Հանրապետության դեսպանին

<img height="188" width="250" align="left" src="/UserFiles/Image/handipum.jpg" alt=""/>Ս.թ. մայիսի 12-ին ՀՀ պաշտպանության նախարար Սեյրան Օհանյանն ընդունեց Հայաստանի Հանրապետությունում Բելառուսի Հանրապետության արտակարգ և լիազոր դեսպան պարոն Ս. Սուխորենկոյին:

12/05/2009

Ավելին

Ի գիտություն ԶԼՄ-ների ներկայացուցիչների

Ս.թ մայիսի 14-15-ին Երևանում, Կոնգրես հյուրանոցի Պիկասո սրահում, տեղի կունենա ՀՀ ՊՆ Ազգային ռազմավարական հետազոտությունների ինստիտուտի և Լիոնի Ժան Մուլեն համալսարանի Պաշտպանության և միջազգային անվտանգության հետազոտությունների կենտրոնի (Ֆրանսիա) համատեղ կազմակերպած միջազգային գիտաժողովը`«Հարավային Կովկասում անվտանգության միջավայրի վերագնահատում. տարածաշրջանային հակամարտություններ, կայունություն և կերպափոխում» խորագրով:

12/05/2009

Ավելին

Անակնկալ նախաձեռնություն

<img height="188" width="250" align="left" src="/UserFiles/Image/brabion-1.jpg" alt=""/>Մայիսյան հաղթանակներին նվիրված միջոցառումների շրջանակներում մայիսի 9-ին յուրօրինակ նախաձեռնություն իրականացրին ՀՀ պաշտպանության նախարարությունը և «Բրաբիոն ֆլորա սերվիսը»:

09/05/2009

Ավելին

Հաղթանակների մայիս

Այսօր մայիսի 9-ն է՝ հաղթանակի և խաղաղության օրը: Տոն, որ թե մեզ, թե նախկին Խորհրդային Միության ժողովուրդներին ուղեկցում է արդեն 64 տարի: Տոն, որ ծնունդ առավ Հայրենական մեծ պատերազմում տարած հաղթանակից: Այդ հաղթանակը ձեռք բերվեց միլիոնավոր մարդկանց հերոսությամբ ու սխրանքով, զրկանքներով ու արյամբ: Նրանց շարքերում էին նաև հայ ռազմիկները, որոնցից շատերը փառքով պսակեցին իրենց անունները: Լրացավ նաև Շուշիի ազատագրման հերթական տարեդարձը: 17 տարի առաջ հայ ազատամարտիկների իրականացրած փայլուն գործողությունների արդյունքում ազատագրվեց անառիկ համարվող այդ բերդաքաղաքը, ինչը բեկումնային նշանակություն ունեցավ արցախյան ազատամարտում: Կրկնակի տոնի կապակցությամբ մենք շնորհավորում ենք բոլոր վետերաններին, մաղթում քաջառողջություն և հաջողություններ անձնական կյանքում՝ միաժամանակ գլուխ խոնարհելով թե Հայրենական մեծ պատերազմում, թե արցախյան ազատամարտում ընկած հերոսների հիշատակի առջև: <img align="left" src="/UserFiles/Image/test-2.jpg" alt=""/>

09/05/2009

Ավելին