Հայերեն
English
Русский
Ի գիտություն ԶԼՄ-ների ներկայացուցիչների
Հունիսի 29-ին` Անհայտ կորած ազատամարտիկի օրվա կապակցությամբ, տեղի կունենան հետևյալ միջոցառումները. ժամը 11.00-ին – Այցելություն «Եռաբլուր» պանթեոն, պսակադրության արարողություն, ժամը 12.00-ին – Հիշատակի հուշ-ցերեկույթ ՀՀ կոմպոզիտորների միության դահլիճում (հասցեն` Դ. Դեմիրճյան 25): ՀՀ ՊՆ տեղեկատվության և հասարակայնության հետ կապերի վարչություն
28/06/2010
Ավելին22/06/2010
ԱվելինԱլիևի ռազմական սադրանքը համաժամանակացված է Մեդվեդևի խաղաղ նախաձեռնությանը
Մեր զրուցակիցը Հայաստանի պաշտպանության նախարարության Ազգային ռազմավարական հետազոտությունների ինստիտուտի պետ, ռազմական քաղաքականության և անվտանգության հարցերով պաշտպանության նախարարի խորհրդական, քաղաքական գիտությունների դոկտոր, գեներալ-մայոր Հայկ Սարգսի Քոթանջյանն է: – Դոկտոր Քոթանջյան, ըստ Ձեզ` ինչպե՞ս են հարադրվում Սանկտ Պետերբուրգում եռակողմ հանդիպումից անմիջապես հետո նախագահ Իլհամ Ալիևի մեկնումը և ժամանակային առումով դրա հետ համընկած` Ղարաբաղում կրակի դադարեցման գծից այս կողմ ադրբեջանցի զինծառայողների դիվերսիոն արտագրոհը: – Նախագահներ Դմիտրի Մեդվեդևի և Սերժ Սարգսյանի հետ Ղարաբաղի հիմնախնդրի շուրջ ռուսական պետության ղեկավարի նախաձեռնությամբ տեղի ունեցած հանդիպումից հետո նախագահ Իլհամ Ալիևը շուտափույթ լքեց Սանկտ Պետերբուրգը, որպեսզի Ռուսաստանի տարածքում չպատասխանի կրակի դադարեցման գծում երեք պետությունների ղեկավարների եռակողմ հանդիպումից մի քանի ժամ անց իր իսկ հրահանգով սանձազերծված ռազմական սադրանքի մասին հարցերին: Ադրբեջանում գործող սուլթանական ռեժիմի պայմաններում բացառվում է, որ ռազմական նման սադրանքը, որը, մանավանդ, զուգադիպել է Ռուսաստանի նախագահի խաղաղ նախաձեռնության հետ, ստացած չլինի Ադրբեջանի բարձրագույն ղեկավարության հավանությունը: Ուշագրավ է, որ Լեռնային Ղարաբաղի Հանրապետության դեմ Ադրբեջանի հերթական զինված սադրանքը համաժամանակացված է ոչ միայն նախագահ Մեդվեդևի պետերբուրգյան խաղաղ նախաձեռնությանը, այլև ԱՄՆ նախագահ Բարաք Օբամայի ուղերձին, որը վերջերս Բաքու բերեց ԱՄՆ պաշտպանության քարտուղար Ռոբերտ Գեյթսը և որում նույնպես հաստատված է ղարաբաղյան հակամարտության խաղաղ կարգավորման հրամայականը: Ադրբեջանի նախագահն առաջին անգամը չէ, որ նման արհամարհական վերաբերմունք է դրսևորում Ռուսաստանի նախագահի խաղաղ նախաձեռնությունների հանդեպ: Մոտավորապես մեկ տարի առաջ հանրության ուշադրությունը բևեռված էր Ղարաբաղը վերադարձնելու համար պատերազմ սկսելու պատրաստակամության մասին Չաթթամ Հաուսում Ադրբեջանի նախագահի հայտարարությանը, որը հակասում էր դրանից ոչ շատ առաջ իր իսկ ստորագրած Մայնդորֆյան հռչակագրին, որի նախաձեռնողը նախագահ Մեդվեդևն էր:
22/06/2010
Ավելին21/06/2010
Ավելին21/06/2010
ԱվելինՍտորագրվել է համագործակցության և համատեղ ծրագրերի մասին հրաման
<img width="250" height="167" align="left" src="/UserFiles/Image/spyrq-2010-06-22-a.jpg" alt=""/>Հայաստան-Սփյուռք գործակցության զարգացման ուղղությամբ հունիսի 21-ին ՀՀ պաշտպանության և սփյուռքի նախարարներ Սեյրան Օհանյանն ու Հրանուշ Հակոբյանը ստորագրել են երկու գերատեսչությունների միջև համագործակցության և համատեղ ծրագրերի մասին հրաման: ՀՀ ՊՆ վարչական համալիրում կայացած հանդիպման ընթացքում նախանշվել են համագործակցության շրջանակներում իրականացվելիք համատեղ ծրագրերն ու միջոցառումները: Այս տարի նախատեսվում է «2010-ը մայրենիի տարի» ծրագրով բաց դասեր անցկացնել զինծառայողների համար, զորամասերում կազմակերպել արևմտահայերենով և արևելահայերենով գրական-երաժշտական միջոցառումներ: Համագործակցություն է նախատեսվում նաև «Արի տուն», «Մեկ ազգ մեկ մշակույթ» և այլ ծրագրերի իրականացման շրջանակներում: Մասնավորապես` երկու նախարարությունները համատեղ կիրականացնեն «Մեր հերոսները» խորագրով ծրագիրը, Սփյուռքի կրթօջախներին ու երիտասարդական կազմակերպություններին կտրամադրվի հերոս ազատամարտիկների վերաբերյալ տեղեկատվական նյութեր:
21/06/2010
ԱվելինՀունիսի 18-ին տեղի ունեցածը սադրիչ դիվերսիա է
Հունիսի 21-ին ՀՀ ՊՆ վարչական համալիրում լրագրողների հետ զրույցում ՀՀ պաշտպանության նախարար Ս. Օհանյանը, խոսելով հունիսի 18-ի գիշերը Ադրբեջանի կողմից կազմակերպված դիվերսիոն գործողության վերաբերյալ, հայտարարել է. «Ադրբեջանի զինված ուժերի կողմից ԼՂՀ ռազմական հենակետի նկատմամբ կազմակերպված գործողությունը ՀՀ պաշտպանության նախարարությունը գնահատում է որպես սադրիչ դիվերսիա, որը նպատակ է հետապնդում ապակայունացնել իրավիճակը ողջ հայ-ադրբեջանական շփման գծում և հրահրել ռազմական գործողությունների ծավալում: Նման գործողության համար ընտրված պահն ապացուցում է, որ ԵԱՀԿ Մինսկի խմբի շրջանակներում ընթացող բանակցությունները Ադրբեջանի համար լոկ քաղաքական շղարշ են հանդիսանում պատերազմի նախապատրաստման համար: Այս դիվերսիոն գործողությունը գործնականում ապացուցում է նաև այդ պետության կողմից իր ռազմական դոկտրինում հայեցակարգային մակարդակով ԼՂ հիմնախնդրի լուծման ռազմական ուղու ամրագրումը:
21/06/2010
Ավելին21/06/2010
Ավելին19/06/2010
Ավելին19/06/2010
ԱվելինՀաղորդագրություն մամուլի համար
ԼՂՀ պաշտպանության բանակից ստացված տեղեկությունների համաձայն` ս.թ հունիսի 18-ին` ժամը 23.30-ի սահմաններում, Չայլու գյուղի մերձակայքում Ադրբեջանից ԼՂՀ տարածք է ներխուժել զինված հետախուզական խմբավորում: Սահմանն անցած ադրբեջանցիներին հաջողվել է թափանցել ղարաբաղա-ադրբեջանական զորքերի շփման գոտու հյուսիսարևելյան հատված: ԼՂՀ ՊԲ զինծառայողների զգոնության շնորհիվ թշնամու զինված խմբավորումն առճակատվել է դիրքապահներին: Տեղի է ունեցել դիմահար մերձամարտ: Հայկական կողմի ձեռնարկած միջոցառումների արդյունքում հակառակորդի առաջխաղացումը կասեցվել է: Թողնելով մեկ դիակ և զինամթերք` թշնամին հետ է քաշվել: Մարտի արդյունքում հայկական կողմը տվել է չորս զոհ, չորս վիրավոր: ՀՀ ՊՆ տեղեկատվության և հասարակայնության հետ կապերի վարչություն
19/06/2010
ԱվելինԻ գիտություն ԶԼՄ-ների ներկայացուցիչների
Ս.թ. հունիսի 16-ին հայ-ադրբեջանական շփման գծի Վայոց Ձորի մարզի Բարձրունի գյուղի մերձակայքում տեղի է ունենալու սահմանային դիտարկում, որն իրականացվելու է ԵԱՀԿ գործող նախագահի անձնական ներկայացուցչի մանդատի շրջանակներում: Մինչ դիտարկումը Վայոց Ձորի մարզպետարանում ՀՀ ԶՈՒ և ԵԱՀԿ ներկայացուցիչների մասնակցությամբ տեղի կունենա մամուլի ասուլիս: Միջոցառումը լուսաբանել ցանկացող լրատվամիջոցների ներկայացուցիչներին Վայոց Ձոր տեղափոխող ավտոբուսը կմեկնի ՊՆ վարչական համալիրից (ք. Երևան, Բագրևանդի 5) ս.թ. հունիսի 16-ին, ժամը 07:30-ին: Լրացուցիչ տեղեկությունների համար կարող եք զանգահարել 093 774377 հեռախոսահամարով: ՀՀ ՊՆ տեղեկատվության և հասարակայնության հետ կապերի վարչություն
15/06/2010
Ավելին