ՀՀ ՊՆ - Լուրեր

14 անձնուրաց հայորդիներ

<img height="174" width="250" align="left" src="/UserFiles/Image/yerablur-1.jpg" alt=""/>15 տարի առաջ՝ 1994թ. ապրիլի 21-ին, հերոսաբար զոհվեցին «Շենգավիթ -1» գրոհային ջոկատի 14 մարտիկները: Երկարատև ջանքերի շնորհիվ, շաբաթներ անց նրանց աճյունները տեղափոխեցին Հայաստան. նրանք կողք կողքի ամփոփվեցին Եռաբլուրի սրբաշունչ բարձունքում: Եվ, ահա, այն դարձել է յուրահատուկ ուխտատեղի բոլորի համար: Այստեղ հարգանքի տուրք մատուցելու են գալիս հարազատները, մտերիմները, ընկերները, ազգային բանակի զինվորներ, նվիրյալ շատ հայորդիներ՝ միմյանց մխիթարելու, հպարտությամբ ներշնչվելու, ոգեկոչվելու: Հունիսի 6-ի առավոտյան ՀՀ ՊՆ և ԳՇ ղեկավար կազմը, հասարակական կազմակերպությունների և Շենգավիթ համայնքի ներկայացուցիչներն այցելեցին Եռաբլուր պանթեոն և ծաղիկներ դրեցին հանուն հայրենիքի զոհված հերոսների շիրիմներին:

06/06/2009

Ավելին

Ստեղծվել է գիտական աստիճաններ շնորհող պաշտպանական խորհուրդ

<img height="167" width="250" align="left" alt="" src="/UserFiles/Image/arhi-1.jpg"/>Այսօր ՀՀ ՊՆ Դ. Կանայանի անվան ազգային ռազմավարական հետազոտությունների ինստի¬տուտում տեղի ունեցավ «Քաղաքական ինստիտուտներ ու գործընթացներ» և «Միջազգային հարաբերություններ» մասնագիտությունների գծով գիտական աստիճաններ շնորհող պաշտպանական խորհրդի անդրանիկ նիստը:

05/06/2009

Ավելին

ՏԵՂԵԿԱՏՎՈՒԹՅՈՒՆ ԼՐԱՏՎԱՄԻՋՈՑՆԵՐԻ ՀԱՄԱՐ

Ս.թ. մայիսի 31-ին` ժամը 14:10-ին, ԼՂՀ պաշտպանական բանակի նորակոչիկներ, ս.թ. մայիսի 19-ին զորակոչված Օհան Հարությունյանը և Գևորգ Թովմասյանն ինքնակամ լքել են զորամասը և հայտնվել ադրբեջանական կողմում: Վերջին օրերի ընթացքում ադրբեջանական լրատվամիջոցներով շրջանառվում են գերեվարման մեջ ընկած նորակոչիկների մասին մի շարք տեղեկություններ, որտեղ նրանք պատմում են հայկական զինված ուժերում իբր թե տիրող անմխիթար վիճակի և բազմաթիվ անօրինությունների մասին:

04/06/2009

Ավելին

Պարգևատրվել են ժամկետային զինծառայողներ

<img height="167" width="250" align="left" alt="" src="/UserFiles/Image/pargevatrum-1.jpg"/>Ծառայողական պարտականությունները կատարելիս ցուցաբերած խիզախության համար հունիսի 2-ին պաշտպանության նախարար Սեյրան Օհանյանը «Վազգեն Սարգսյան» գերատեսչական մեդալով պարգևատրեց ազգային բանակի ժամկետային զինծառայողներ՝ ավագ սերժանտներ Մհեր Հովհաննեսի Անդրեասյանին, Դավիթ Զալիկի Մնացականյանին և կրտսեր սերժանտ Արա Վահեի Վարդանյանին: Շնորհավորելով պարգևատրման կապակցությամբ և շնորհակալություն հայտնելով բարեխիղճ ծառայության համար՝ Սեյրան Օհանյանը նշեց, որ Մհերի, Դավիթի ու Արայի սխրանքով ու քաջագործությամբ պետք է հպարտանա ոչ միայն բանակի հրամանատարությունը, այլև՝ նրանց ծնողներն ու հարազատները:

02/06/2009

Ավելին

Զորակոչի ընթացքը մշտապես վերահսկվում է

Գարնանային զորակոչի ընթացքին տեղում ծանոթանալու և իրականացվող աշխատանքները ստուգելու նպատակով, հունիսի 1-ին պաշտպանության նախարար Սեյրան Օհանյանն այցելեց հանրապետական կենտրոնական հավաքակայան: Նախքան շրջայցը Ս. Օհանյանը զրուցեց ծառայության մեկնող երիտասարդների ծնողների և հարազատների հետ: Հարցերը, որոնք ուղղվեցին նախարարին, հիմնականում վերաբերում էին սահմանված արտոնություններից զինակոչիկների օգտվելու կարգին, բուժհետազոտությանը, իրենց մասնագիտությամբ ծառայելու պայմաններին:

01/06/2009

Ավելին

ՀԱՊԿ անդամ պետությունների պաշտպանության նախարարների խորհրդի հերթական նիստը

Ս.թ. հունիսի 2-ին ՀՀ պաշտպանության նախարար Սեյրան Օհանյանի գլխավորած պատվիրակությունը կմեկնի Մոսկվա` ԱՊՀ անդամ պետությունների պաշտպանության նախարարների խորհրդի և ՀԱՊԿ անդամ պետությունների պաշտպանության նախարարների խորհրդի հերթական նիստերին մասնակցելու նպատակով:

30/05/2009

Ավելին

Գիտաժողով պաշտպանության նախարարությունում

<img height="188" width="250" align="left" alt="" src="/UserFiles/Image/aviacia-1.jpg"/>Ս.թ. մայիսի 29-ին ՀՀ ՊՆ վարչական համալիրի դահլիճում տեղի ունեցավ ՀՀ ԶՈՒ ԳՇ Ավիացիայի վարչության նախաձեռնած գիտաժողովը, որտեղ արծարծվեցին թռիչքների ինժեներական և ավիացիոն ապահովման խնդիրները, մասնավորապես՝ ավիացիոն տեխնիկայի սպասարկման և մարտական վիճակի կատարելագործման հետ առնչվող հարցեր:

29/05/2009

Ավելին

Մայիսի 28՝ Հանրապետության տոն

91 տարի առաջ` 1918 թվականին, հայ ժողովուրդը, դիմակայելով թշնամու հարձակումներին, կարողացավ իրականացնել իր նվիրական երազանքը` վերականգնելով անկախ պետականությունը: Այն վերածնվեց Սարդարապատի, Բաշ-Ապարանի և Ղարաքիլիսայի հերոսամարտերում մեր ժողովրդի կերտած արժանապատիվ հաղթանակներից: <img height="197" width="500" align="left" src="/UserFiles/Image/sardarapat-1.jpg" alt=""/> Ու չնայած իր կարճատև գոյությանը` այն դարձավ մեր ազգային վերածննդի և նոր պետականության կայացման հիմնասյունը: Հայաստանի առաջին հանրապետության հռչակման 91-րդ տարեդարձի կապակցությամբ մայիսի 28-ին Սարդարապատի հուշահամալիրում կազմակերպվել էր տոնական միջոցառում:

29/05/2009

Ավելին

Քանդակի բացման արարողություն պաշտպանության նախարարությունում

Ս.թ. մայիսի 27-ին տեղի ունեցավ ՀՀ պաշտպանության նախարարության վարչական համալիրի նախամուտքի մոտ տեղադրված «Արծիվ» քանդակի բացման արարողությունը, որին մասնակցեցին նախարար Սեյրան Օհանյանը, բարձրաստիճան սպաներ և հյուրեր: <img height="197" width="500" src="/UserFiles/Image/eagle-1.jpg" alt=""/> «Արծիվ» քանդակի բացման պատիվը վերապահվեց Սեյրան Օհանյանին և քանդակի հեղինակ Մարտին Կակոսյանին: ՀՀ դիզայներների միության նախագահ, քանդակագործ Մարտին Կակոսյանը հպարտությամբ նշեց, որ իր ստեղծած հայկական հնագույն խորհրդանիշ արծիվը տեղադրվել է այնպիսի շինության մուտքի մոտ, որտեղից ղեկավարվում է ազգային բանակը՝ հայ ժողովրդի անվտանգության երաշխավորը:

27/05/2009

Ավելին

ՀԱՅՏԱՐԱՐՈՒԹՅՈՒՆ

Հարգելի քաղաքացիներ, Հանրապետությունում ս.թ. մայիսի 11-ից սկսված է ՀՀ զինված ուժերի 2009թ. գարնանային զորակոչը: ՀՀ իշխանությունների, պաշտպանության նախարարության և ԶՈՒ գլխավոր շտաբի կողմից կատարվել են բոլոր նախապատրաստական աշխատանքները՝ զորակոչը կազմակերպված ու բարձր մակարդակով անցկացնելու համար, ամեն ինչ արվել է, որ մեր զինված ուժերը համալրվեն հոգով ու մարմնով առողջ երիտասարդներով:

26/05/2009

Ավելին

Ընթանում է գարնանային զորակոչը

<img height="188" width="250" align="left" src="/UserFiles/Image/zbor-2.jpg" alt=""/>Զորակոչի աշխատանքներին տեղում ծանոթանալու նպատակով՝ այսօր ՀՀ ԶՈՒ ԳՇ պետ, գեներալ-գնդապետ Յուրի Խաչատուրովն այցելեց հանրապետական կենտրոնական հավաքակայան: Նախքան հավաքակայանում ընթացող աշխատանքներին ծանոթանալը, նա հանդիպեց բանակ զորակոչվող երիտասարդների ծնողների հետ: Նրանց վստահեցնելով, որ զինակոչիկների ծառայության վայրը որոշվում է արդարության սկզբունքով, Յուրի Խաչատուրովը պատասխանեց ծնողներին հուզող հարցերին:

25/05/2009

Ավելին

Վերջին զանգ

Ինչպես հանրապետության հանրակրթական բոլոր դպրոցներում, այնպես էլ ՊՆ Մոնթե Մելքոնյանի անվան ռազմամարզական վարժարանում այսօր ազդարարվեց 2008-2009թթ. ուսումնական տարվա ավարտը: Վարժարանի շրջանավարտներին շնորհավորելու և նրանց վերջին զանգի արարողությանը մասնակցելու նպատակով կրթօջախ էր այցելել պաշտպանության նախարար Սեյրան Օհանյանը:

23/05/2009

Ավելին