Բաց նամակ ՀՀ պաշտպանության նախարարին

Բաց նամակ ՀՀ պաշտպանության նախարար պարոն Սեյրան Օհանյանին

Բաց նամակ ՀՀ պաշտպանության նախարար պարոն Սեյրան Օհանյանին

Հաղորդագրություն մամուլի համար

«Հրապարակ» օրաթերթում 25.09.2010թ. տպագրված 2010թ. ընդունված կլինիկական օրդինատորներին ծառայության հետկանչի իրարամերժ հրամանների վերաբերյալ տեղեկատվության կապակցությամբ պարզաբանում ենք. Նշված տեղեկատվությունը բացարձակապես չի համապատասխանում իրականությանը և պաշտպանության նախարարության գործունեության նկատմամբ հասարակության մեջ թյուրընկալում ստեղծելու նպատակով թերթի կողմից տարածված հերթական ապատեղեկատվությունն է: Օրդինատորների հետկանչի վերաբերյալ պաշտպանության նախարարի հրամաններ կամ հանձնարարականեր չեն ստորագրվել, իսկ 2010թ. ընդունված բոլոր կլինիկական օրդինատորները իրենց մասնագիտական ուսուցումը ստանում են համապատասխան կլինիկական բազաներում: ՀՀ ՊՆ տեղեկատվության և հասարակայնության հետ կապերի վարչություն

Մամուլի հաղորդագրություն

Ս.թ սեպտեմբերի 25-ին, ժամը 22:00-ի սահմաններում, ՀՀ ՊՆ հյուսիս-արևելյան սահմանագոտում տեղակայված թիվ N զորամասի մարտական հենակետում տեղի է ունեցել դժբախտ պատահար: Ըստ նախնական տվյալների` համածառայակցի կողմից զենքի օգտագործման կանոնները խախտելու հետևանքով մահացու հրազենային վիրավորում է ստացել նույն զորամասի ժամկետային զինծառայող, շարքային Արթուր Նորայրի Մխիթարյանը (ծնվ. 1991թ., Էջմիածնի զինկոմիսարիատ): Կատարվում է հետաքննություն: ՀՀ ՊՆ տեղեկատվության և հասարակայնության հետ կապերի վարչություն

Պաշտպանության նախարարը հանդիպել է ՌԴ դեսպանի հետ

<img width="250" height="181" align="left" alt="" src="/UserFiles/Image/rd-despan-2010-09-24-b.jpg"/>2010թ. սեպտեմբերի 23-ին պաշտպանության նախարար Ս.Օհանյանը հանդիպեց Հայաստանի Հանրապետությունում Ռուսաստանի Դաշնության արտակարգ և լիազոր դեսպան Վյաչեսլավ Կովալենկոյի հետ: Հանդիպման ընթացքում քննարկվեցին հայ-ռուսական ռազմաքաղաքական համագործակցությանը վերաբերող, երկկողմ հետաքրքրություն ներկայացնող, ինչպես նաև տարածաշրջանային և հակամարտությունների կարգավորմանն առնչվող խնդիրներ:

ՀՀ-ում ԿԽՄԿ պատվիրակության ղեկավարը Պաշտպանության նախարարությունում

Ս.թ. սեպտեմբերի 23-ին ՀՀ պաշտպանության նախարար Ս.Օհանյանը հանդիպեց ԿԽՄԿ Արևելյան Եվրոպայի օպերատիվ գործողությունների ղեկավար տիկին Պասկալ Մեժ Վագների և ՀՀ-ում ԿԽՄԿ պատվիրակության ղեկավար Նադյա Կեբիր Ռաոլոսոնի հետ: Հանդիպման ընթացքում քննարկվել են ռազմագերիներին և քաղաքացիական ներկալվածներին (պատանդներին) վերաբերող հարցեր: <img width="500" height="185" align="middle" src="/UserFiles/Image/red-cross-2010-09-24-a.jpg" alt=""/> Զրուցակիցներն անդրադարձել են ադրբեջանական կողմում գտնվող մեր հայրենակիցներին հայրենիք վերադարձնելու խնդրին և մասնավորապես, վերջերս ադրբեջանցիների կողմից ձերբակալված ու ԱՀ զանգվածային լրատվամիջոցներով «դիվերսանտ» հորջորջվող ՀՀ քաղաքացի Մանվել Սարիբեկյանի հայրենադարձման հարցին: ՀՀ ՊՆ տեղեկատվության և հասարակայնության հետ կապերի վարչություն

Մամուլի հաղորդագրություն

Սեպտեմբերի 23-ին մի շարք լրատվամիջոցներ տեղեկություն են տարածել, թե օրերս հակառակորդի կողմից արձակված դիպուկահար կրակոցներից զոհվել են ԼՂՀ ՊԲ երկու զինծառայողներ: Այս կապակցությամբ ՀՀ պաշտպանության նախարարությունը պարզաբանում է. Նշված տեղեկությունը չի համապատասխանում իրականությանը: Ինչպես հաղորդել են ԼՂՀ ՊԲ մամուլի ծառայությունից՝ ս.թ. սեպտեմբերի 17-ին ադրբեջանական կողմից արձակված կրակոցներից զոհվել է մեկ զինծառայող՝ եֆրեյտոր Անդրանիկ Իգորի Սարգսյանը (ծնված 1990թ., Շուշիի զինկոմիսարիատ), ինչի մասին նույն օրը ՀՀ ՊՆ տեղեկատվության և հասարակայնության հետ կապերի վարչությունը տարածել է համապատասխան հաղորդագրություն: ՀՀ ՊՆ տեղեկատվության և հասարակայնության հետ կապերի վարչություն

Մամուլի հաղորդագրություն

Ինտերնետ ցանցում հայտնված զինծառայողների միջև ոչ կանոնադրական փոխհարաբերությունների վերաբերյալ տեսանյութի կապակցությամբ ՀՀ ՊՆ քննչական ծառայությունը հայտնում է հետևյալը. 17.09.2010թ. ՀՀ ՊՆ ՌՈ-ից հաղորդում է ստացվել, որ ձեռնարկված օպերատիվ միջոցառումների արդյունքում պարզվել է, որ ինտերնետում տեղադրված ժամկետային զինծառայողներին ծեծի ենթարկելու և խոշտանգելու տեսանյութում պատկերվածը տեղի է ունեցել ս.թ. հուլիսին N զորամասի տարածքում: Նույն զորամասի զինծառայող, մայոր Սասուն Միքայելի Գալստյանը, ոգելից խմիչքի ազդեցության տակ ծեծի և ծաղրուծանակի է ենթարկել զորամասի ժամկետային զինծառայողներ, սերժանտ Գարիկ Նորայրի Հարությունյանին և շարքային Բակուր Ռոբերտի Եղիկյանին: