Հայերեն
English
Русский
Կոլեգիայի նիստ պաշտպանության նախարարությունում
<img width="250" height="152" align="left" src="/UserFiles/Image/kolegiayi-nist-2010-04-23.jpg" alt=""/>Ապրիլի 23-ին ՀՀ պաշտպանության նախարարությունում տեղի ունեցավ կոլեգիայի նիստ, որի ընթացքում քննարկվեցին սպառազինությանը և ռազմական տեխնիկային առնչվող տարաբնույթ հարցեր: Բացելով նիստը՝ ՀՀ պաշտպանության նախարար Սեյրան Օհանյանը տեղեկացրեց մասնակիցներին, որ օրակարգում ընդգրկված խնդիրները հույժ կարևոր են ազգային բանակի մարտունակության ապահովման համար: Զեկույցով հանդես եկավ ՀՀ ԶՈՒ ԳՇ պետի տեղակալ, գեներալ-լեյտենանտ Արշալույս Փայտյանը՝ նշելով, որ հաշվետու ժամանակահատվածում զգալի աշխատանքներ են կատարվել սպառազինության և ռազմական տեխնիկայի հուսալի և անխափան գործարկումն ապահովելու ուղղությամբ: Համալրվել են ռազմատեխնիկական միջոցները, կատարելագործվել են շահագործող անձնակազմի մասնագիտական գիտելիքներն ու ունակությունները, զորամասերին հատկացվել են նոր սարքավորումներ, հրատարակվել են մեթոդական ձեռնարկներ և անհրաժեշտ տեխնիկական գրականություն:
23/04/2010
Ավելին20/04/2010
Ավելին20/04/2010
Ավելին20/04/2010
ԱվելինՀանրապետական զորակոչային հանձնաժողովի նիստը
Ապրիլի 20-ին պաշտպանության նախարարության նիստերի դահլիճում տեղի է ունեցել հանրապետական զորակոչային հանձնաժողովի ընդլայնված խորհրդակցություն, որի ընթացքում ամփոփվել են 2009թ. աշնանային զորակոչի արդյունքները և քննարկվել ու առաջադրվել են խնդիրներ 2010թ. գարնանային զորակոչի պատշաճ կազմակերպման և անցկացման համար: Խորհրդակցությունը, որին հրավիրվել էին նաև պետական պաշտոնյաներ, իրավապահ մարմինների ներկայացուցիչներ, մարզպետներ, հանրապետության տարածքային զինկոմներն ու զինկոմիսարիատների աշխատակիցները, բուժհանձնաժողովների անդամներ, բարձրաստիճան զինվորականներ և զորակոչի անցկացմանն օժանդակող այլ կառույցների ներակայացուցիչներ, վարում էր ՀՀ պաշտպանության նախարար Սեյրան Օհանյանը: <img width="500" height="185" align="middle" src="/UserFiles/Image/zorakoch-2010-04-21-a.jpg" alt=""/>
20/04/2010
Ավելին20/04/2010
ԱվելինՀՀ պաշտպանության նախարարն ընդունել է ՀՀ-ում ՉԺՀ արտակարգ և լիազոր դեսպանին
<img width="500" height="185" align="middle" src="/UserFiles/Image/china-ambas-2010-04-21-a.jpg" alt=""/> Ապրիլի 20-ին ՀՀ պաշտպանության նախարար Սեյրան Օհանյանն ընդունել է Հայաստանի Հանրապետությունում Չինաստանի նորանշանակ արտակարգ և լիազոր դեսպան պարոն Տյան Չանչունին:
20/04/2010
Ավելին18/04/2010
ԱվելինԲարեկարգման աշխատանքներ` զինծառայողների ուժերով
Ապրիլի 18-ին` Հուշարձանների և տեսարժան վայրերի պահպանության միջազգային օրվա կապակցությամբ, Հայաստանի Հանրապետության պաշտպանության նախարարի հանձնարարությամբ հանրապետության ողջ տարածքում ազգային բանակի զինծառայողների կողմից կատարվեցին ճարտարապետական հուշարձանների և պատմամշակութային այլ վայրերի մաքրման ու բարեկարգման աշխատանքներ:
18/04/2010
ԱվելինԻ գիտություն ԶԼՄ-ների ներկայացուցիչների
ՀՀ պաշտպանության նախարարին առընթեր հասարակական խորհրդի նախաձեռնած «Պատմության և մշակույթի էջեր» ծրագրի շրջանակներում հանդիպումներ, զրույցներ և դասախոսություններ անցկացնելու նպատակով ապրիլի 17-ին` ժամը 09.00-ին, Երևանից` Հանրապետության հրապարակից, տարբեր երթուղիներով ՀՀ ԶՈՒ զորամասեր կմեկնեն գիտության և մշակույթի գործիչներ, զինված ուժերի հետ համագործակցող հասարակական կազմակերպությունների, կրթամշակութային հաստատությունների ներկայացուցիչներ, դասախոսներ: ՀՀ ՊՆ տեղեկատվության և հասարակայնության հետ կապերի վարչություն
16/04/2010
ԱվելինԱՊՀ պաշտպանության նախարարների խորհրդի հերթական նիստը
2010թ. ապրիլի 14-ին Ռուսաստանի Դաշնության մայրաքաղաք Մոսկվայում կայացել է ԱՊՀ մասնակից պետությունների պաշտպանության նախարարների խորհրդի հերթական` 58-րդ նիստը, որին մասնակցել է ՀՀ պաշտպանության նախարար Սեյրան Օհանյանը: Նիստի ընթացքում քննարկվել են ԱՊՀ անդամ պետությունների ռազմական գերատեսչությունների փոխգործակցության, ռազմական համագործակցության բնագավառի մի շարք հարցեր: Քննարկվել և համաձայնեցվել են Հայրենական մեծ պատերազմի հաղթանակի 65-րդ տարեդարձի տոնակատարությունների, հոբելյանական հանդիսությունների կազմակերպման, զոհվածների հիշատակի հավերժացման ծրագրերը:
15/04/2010
ԱվելինՀՀ ՊՆ պատվիրակությունը Բրյուսելում
Ս.թ. ապրիլի 12-ին Բրյուսելում տեղի է ունեցել ՆԱՏՕ-ի ռազմաքաղաքական ղեկավար կոմիտեի ՆԱՏՕ-Հայաստան ձևաչափով նիստը, որին մասնակցել է ՀՀ պաշտպանության նախարարի տեղակալ Ա.Նազարյանի գլխավորած պատվիրակությունը: Նիստի ընթացքում քննարկվել են Պլանավորման և վերանայման գործընթացի շրջանակներում նորացված գործընկերության նպատակները: ՀՀ պատվիրակությունը պաշտպանական բարեփոխումների շարքում ներկայացրել է պաշտպանության նախարարությունում քաղաքացիական հատուկ ծառայության համակարգի ներդրման գործընթացը: Բարձր գնահատելով Հայաստանի Հանրապետությունում իրականացված պաշտպանական բարեփոխումները` ՆԱՏՕ-ի անդամ պետությունների ներկայացուցիչները վերահաստատել են իրենց աջակցությունը և պաշտպանական բարեփոխումների ուղղությամբ համագործակցությունը շարունակելու պատրաստակամություն են հայտնել: Նիստի ընթացքում քննարկվել է նաև Աֆղանստանում Միջազգային անվտանգության աջակցության ուժերի կազմում ՀՀ զինված ուժերի խաղաղապահ գործունեությունը, որը արժանացել է ՆԱՏՕ-ի ռազմաքաղաքական ղեկավարության բարձր գնահատականին: ՀՀ ՊՆ տեղեկատվության և հասարակայնության հետ կապերի վարչություն
14/04/2010
Ավելին