Հաղորդագրություն

Ի պատասխան «Երևանի զորամասերից մեկի կանանց գումարտակում տեղի ունեցած դեպքի» վերաբերյալ ԶԼՄ հարցումների՝ հայտնում ենք, որ ս/թ սեպտեմբերի 23-ին N զորամասի պայմանագրային զինծառայողը ՀՀ ՊՆ ռազմական ոստիկանությունում առերևույթ հանցանքի մասին հաղորդում է ներկայացրել, որը ուղարկվել է նախաքննական մարմին` քրեական վարույթ նախաձեռնելու հարցը լուծելու նպատակով:

Կուրսանտների ծնողների այցը ռազմական ակադեմիա. «Զինուժ»-ի անդրադարձը

Աշխարհի չեմպիոնը՝ Մալխաս Ամոյան. «Զինուժ»-ի անդրադարձը

ՀՀ ՊՆ ՌՈ-ն անցկացրել է «Կարգազանց-2025» միջոցառումը. «Զինուժ»-ի անդրադարձը

Հաղորդագրություն

Անհայտ ծագման և նոր ստեղծված կայքում, այդ թվում նաև ադրբեջանական մի շարք լրատվամիջոցներում, տարածվում են ՀՀ պաշտպանության նախարարին վերագրվող տեղեկություններ, որոնք ոչ միայն իրականության հետ որևէ աղերս չունեն, այլև աբսուրդի ժանրից են։ Դրանք «ապատեղեկատվություն» որակելը նույնիսկ մեծ ցանկության պարագայում անհնար է: Նշված նյութի սկզբնաղբյուրի և բոլոր այլ տվյալները փոխանցվել են ՀՀ Ազգային անվտանգության ծառայությանը՝ հետագա ընթացքավորման նպատակով։ Պաշտպանության նախարարությունն իր հերթին համապատասխան գործընթացներ կձեռնարկի (ներառյալ հավատարմագրման դադարեցումը) ՀՀ-ում գործող այն լրատվամիջոցների նկատմամբ, որոնք, հավատարմագրված լինելով պաշտպանության նախարարությունում, տարածում են այդ կեղծ, ակնհայտ զրպարտչական բնույթի տեղեկությունը՝ հղում անելով անհայտ ծագման կայքին և ադրբեջանական լրատվամիջոցներին։

Ապագա սպաների ծնողների այցը ակադեմիա

Օրերս ՀՀ ՊՆ Վազգեն Սարգսյանի անվան ռազմական ակադեմիան հյուրընկալել է առաջին կուրսի կուրսանտների ծնողներին։ Այցը ծնողներին ընձեռեց լավ հնարավորություն՝ ծանոթանալու այն միջավայրին, որտեղ իրենց զավակներն առաջին քայլերն են անում ապագա սպայի կայացման պատասխանատու ճանապարհին: Կուրսանտների ծնողները հնարավորություն են ունեցել տեղում ծանոթանալու լսարանների, մարզահրապարակների, զորանոցների պայմաններին և կուրսանտների առօրյային։ Ակադեմիայի պետ, գնդապետ Արսեն Մանգասարյանի հետ հանդիպման ընթացքում շեշտվել է հրամանատար-ծնող կապի կարևորությունը. այս համագործակցության արդյունքում են ձևավորվում ապագա հրամանատարների կամքը, ուժը և առաջնորդական հատկանիշները։

Մ. Մելքոնյանի անվան ռազմամարզական վարժարանի սաները

Կարեն Բրուտյանը մասնակցել է «NATO Days in Ostrava & Czech Air Force Days» միջոցառմանը

ՀՀ պաշտպանության նախարարի տեղակալ Կարեն Բրուտյանը սեպտեմբերի 20-21-ը Չեխիայի Օստրավա քաղաքում մասնակցել է «NATO Days in Ostrava & Czech Air Force Days» միջոցառմանը:

ՀՀ պաշտպանության նախարար Սուրեն Պապիկյանի ելույթը՝ ՆԱՏՕ-ի խորհրդարանական վեհաժողովի 108-րդ Ռոուզ-Ռոթ սեմինարի ժամանակ

Սուրեն Պապիկյանը մասնակցել է ՆԱՏՕ-ի խորհրդարանական վեհաժողովի 108-րդ Ռոուզ-Ռոթ սեմինարին

Սեպտեմբերի 22-ին ՀՀ պաշտպանության նախարար Սուրեն Պապիկյանը մասնակցել է «Հայաստանն ու Հարավային Կովկասը փոփոխվող աշխարհում. ամրապնդելով ժողովրդավարությունն ու տարածաշրջանային անվտանգությունը» թեմայով Հայաստանում անցկացվող ՆԱՏՕ-ի խորհրդարանական վեհաժողովի 108-րդ Ռոուզ-Ռոթ սեմինարին, որի շրջանակում հանդես է եկել ողջույնի խոսքով։

Հաղորդագրություն

Հայտնում ենք, որ պաշտպանության նախարարության «Թեժ գիծ» ծառայության վերազինման և արդիականացման աշխատանքներով պայմանավորված՝ սեպտեմբերի 22-23-ը ծառայության աշխատանքները կդադարեցվեն։

ԶՈՒ նվագախմբերի քայլերթը, պատվո պահակային վաշտի դեֆիլեն և ուղղաթիռի անցումը