ԶՈՒ ԳՇ ԿԱԶՄԱԿԵՐՊՉԱԿԱՆ ԶՈՐԱՀԱՎԱՔԱՅԻՆ ԳԼԽԱՎՈՐ ՎԱՐՉՈՒԹՅՈՒՆ

Համառոտ տեղեկատվություն ՀՀ ԶՈՒ գլխավոր շտաբի կազմակերպչական-զորահավաքային գլխավոր վարչության խնդիրների և գործառույթների վերաբերյալ

Հայաստանի Հանրապետության զինված ուժերի գլխավոր շտաբի կազմակերպչական - զորահավաքային գլխավոր վարչությունը Գլխավոր շտաբի կառուցվածքային ստորաբաժանում է, որը խաղաղ և պատերազմի ժամանակ ապահովում է զինված ուժերի զորահավաքային ծավալման, կազմակերպչական - հաստիքային կառուցվածքի, ժամկետային պարտադիր ծառայության և շարքային կազմի պայմանագրային զինծառայողներով համալրման ու հաշվառման, զորքերը տեխնիկայով, սպառազինությամբ, նյութատեխնիկական միջոցներով հաշվառման ու համալրման  ուղղություններով Գլխավոր շտաբի գործունեության իրականացումը:

ՀՀ ԶՈՒ գլխավոր շտաբի կազմակերպչական-զորահավաքային գլխավոր վարչության հիմնական նպատակներն ու խնդիրներն են.

• ՀՀ զինված ուժերի զորամասերի և ստորաբաժանումների մշտական զորահավաքային պատրաստականության վիճակի և ՀՀ տարածքում զորահա­վաքային միջոցառումների կազմակերպման գործընթացի ապահովումը,
• ՀՀ զինված ուժերում զորահավաքային միջոցառումների ղեկավարման և իրականացման համար ղեկավար փաստաթղթերի մշակման գործընթացի ապահովումը,
• ՀՀ զինված ուժերի զորահավաքային ծավալման նախապատրաստության ապահովումը,
• ՀՀ զինված ուժերի զորահավաքային միջոցառումների իրականացման նկատմամբ վերահսկողությունը,
• ՀՀ զինված ուժերի զորահավաքային պատրաստության պլանավորումը, վերահսկումը,
• ՀՀ զինված ուժերի զորամասերի և ստորաբաժանումների հաստիքային կառուցվածքների արդիականացման ու հետագա զարգացման ապահովումը,
• ՀՀ զինված ուժերի զորամասերը ժամկետային պարտադիր ծառայության և շարքային կազմի պայմանագրային զինծառայողներով համալրման և հաշվառման գործընթացի ապահովումը:

ՀՀ ԶՈՒ գլխավոր շտաբի կազմակերպչական-զորահավաքային գլխավոր վարչությունը կազմավորվել է 1992թ. սեպտեմբերի 14-ին:

1993թ. սեպտեմբերի 15-ին Հայաստանի Հանրապետության զինված ուժերի գլխավոր շտաբի կազմակերպչական - զորահավաքային վարչությունը և հանրապետական զինվորական կոմիսարիատը միացվեցին և կազմավորվեց  ՀՀ ԶՈՒ գլխավոր շտաբի Գլխավոր Կազմակերպչական - զորահավաքային վարչությունը:

1996թ. հուլիսի 3-ին Հայաստանի Հանրապետության զինված ուժերի գլխավոր շտաբի գլխավոր կազմակերպչական - զորահավաքային վարչությունը առանձնացվեց հանրապետական զինվորական կոմիսարիատից՝ որպես ՀՀ ԶՈՒ գլխավոր շտաբի կազմակերպչական - զորահավաքային վարչություն: