AF GS GENERAL DEPARTMENT OF ORGANIZATION AND MOBILIZATION
HEAD OF THE GENERAL DEPARTMENT OF ORGANIZATION AND MOBILIZATION
Smbat Grigoryan
major general
Վարչության գործունեության մասին
Համառոտ տեղեկատվություն ՀՀ ԶՈՒ գլխավոր շտաբի կազմակերպչական-զորահավաքային վարչության խնդիրների և գործառույթների վերաբերյալ
Հայաստանի Հանրապետության զինված ուժերի գլխավոր շտաբի կազմակերպչական - զորահավաքային վարչությունը Գլխավոր շտաբի կառուցվածքային ստորաբաժանում է, որը խաղաղ և պատերազմի ժամանակ ապահովում է զինված ուժերի զորահավաքային ծավալման, կազմակերպչական - հաստիքային կառուցվածքի, ժամկետային պարտադիր ծառայության և շարքային կազմի պայմանագրային զինծառայողներով համալրման ու հաշվառման, զորքերը տեխնիկայով, սպառազինությամբ, նյութատեխնիկական միջոցներով հաշվառման ու համալրման ուղղություններով Գլխավոր շտաբի գործունեության իրականացումը:
ՀՀ ԶՈՒ գլխավոր շտաբի կազմակերպչական-զորահավաքային վարչության հիմնական նպատակներն ու խնդիրներն են.
- ՀՀ զինված ուժերի զորամասերի և ստորաբաժանումների մշտական զորահավաքային պատրաստականության վիճակի և ՀՀ տարածքում զորահավաքային միջոցառումների կազմակերպման գործընթացի ապահովումը,
- ՀՀ զինված ուժերում զորահավաքային միջոցառումների ղեկավարման և իրականացման համար ղեկավար փաստաթղթերի մշակման գործընթացի ապահովումը,
- ՀՀ զինված ուժերի զորահավաքային ծավալման նախապատրաստության ապահովումը,
- ՀՀ զինված ուժերի զորահավաքային միջոցառումների իրականացման նկատմամբ վերահսկողությունը,
- ՀՀ զինված ուժերի զորահավաքային պատրաստության պլանավորումը, վերահսկումը,
- ՀՀ զինված ուժերի զորամասերի և ստորաբաժանումների հաստիքային կառուցվածքների արդիականացման ու հետագա զարգացման ապահովումը,
- ՀՀ զինված ուժերի զորամասերը ժամկետային պարտադիր ծառայության և շարքային կազմի պայմանագրային զինծառայողներով համալրման և հաշվառման գործընթացի ապահովումը:
ՀՀ ԶՈՒ գլխավոր շտաբի կազմակերպչական-զորահավաքային վարչությունը կազմավորվել է 1992թ. սեպտեմբերի 14-ին:
1993թ. սեպտեմբերի 15-ին Հայաստանի Հանրապետության զինված ուժերի գլխավոր շտաբի կազմակերպչական - զորահավաքային վարչությունը և հանրապետական զինվորական կոմիսարիատը միացվեցին և կազմավորվեց ՀՀ ԶՈՒ գլխավոր շտաբի Գլխավոր Կազմակերպչական - զորահավաքային վարչությունը:
1996թ. հուլիսի 3-ին Հայաստանի Հանրապետության զինված ուժերի գլխավոր շտաբի գլխավոր կազմակերպչական - զորահավաքային վարչությունը առանձնացվեց հանրապետական զինվորական կոմիսարիատից՝ որպես ՀՀ ԶՈՒ գլխավոր շտաբի կազմակերպչական - զորահավաքային վարչություն:
Կազմավորման օրվանից վարչությունը ղեկավարել են`
- 1992-1993թթ. գնդապետ Լևոն Սեդրակի Կարապետյան,
- 1993-1996թթ. գեներալ-մայոր Արտուշ Թադևոսի Հարությունյան,
- 1996-2002թթ. գեներալ-մայոր Լևոն Սեդրակի Կարապետյան,
- 2002-2009թթ. գեներալ-մայոր Սերգեյ Ռուբենի Չալյան,
- 2009-2013թթ. գեներալ-մայոր Առաքել Մարատի Մարտիկյան,
- 2013թ.-ից գեներալ-մայոր Կամո Գրիգորի Քոչունց:
Contact
Address: | Հայաստանի Հանրապետություն, ք. Երևան, Բագրևանդի 5, 0044 |
Phone: | (+37410) 29-44-46 |
Email: | albert-baghdasaryan@mil.am |