ԿՐԹԱԿԱՆ ՀՆԱՐԱՎՈՐՈՒԹՅՈՒՆՆԵՐ ԵՎ ՈՒՍՈՒՄՆԱԿԱՆ ԾՐԱԳՐԵՐ
ԲԱԿԱԼԱՎՐԻԱՏ
Բարձրագույն ռազմասնագիտական կրթություն՝ հանրակրթական դպրոցների, վարժարանների շրջանավարտների համար
Մասնագիտություններ՝
-
մոտոհրաձգային ստորաբաժանումների կառավարում,
-
հրետանային ստորաբաժանումների կառավարում,
-
հետախուզական ստորաբաժանումների կառավարում,
-
ինժեներասակրավորային ստորաբաժանումների կառավարում,
-
տանկային ստորաբաժանումների կառավարում:
Որակավորումը՝ «Ստորաբաժանումների կառավարման» բակալավր: Ուսման տևողությունը 4 տարի է:
ՄԱԳԻՍՏՐԱՏՈՒՐԱ
Բարձրագույն ռազմական կրթություն՝ ՀՀ ԶՈՒ ավագ սպայական կազմի համար
Մասնագիտություններ՝
- միավորումների և զորամասերի կառավարում,
- հրետանային միավորումների և զորամասերի կառավարում:
- Որակավորումը՝ «Միավորումների և զորամասերի կառավարման» մագիստրոս:
Ուսման տևողությունը 11 ամիս է:
ԼՐԱՑՈՒՑԻՉ ԿՐԹՈՒԹՅՈՒՆ
1. Մեկամյա սպայական դասընթացներ՝ քաղաքացիական բուհերի շրջանավարտների համար
Մասնագիտություններ՝
- մոտոհրաձգային ստորաբաժանումների կառավարում,
- հրետանային ստորաբաժանումների կառավարում:
Ուսման տևողությունը 1 տարի է:
2. Հինգամսյա սպայական դասընթացներ՝ բարձրագույն ուսումնական հաստատություններն ավարտած, զինված ուժերի ենթասպայական և պայմանագրային կազմի համար
Մասնագիտություններ՝
-
մոտոհրաձգային ստորաբաժանումների կառավարում,
- հրետանային ստորաբաժանումների կառավարում,
- տանկային ստորաբաժանումների կառավարում:
Ուսման տևողությունը հինգ ամիս է:
3. 2,5-ամյա սպայական դասընթացներ՝ ՀՀ բուհերում պետական պատվերի շրջանակներում սովորող ուսանողների համար
Մասնագիտությունները՝
- հրաձգային ստորաբաժանումների կառավարում,
- հրետանային ստորաբաժանումների կառավարում:
Ուսման տևողությունը 2,5 տարի է:
4. Մոտոհրաձգային, հրաձգային, տանկային վաշտի (մարտկոցի) հրամանատարների որակավորման բարձրացման և ռազմամասնագիտական ուսուցման 12-շաբաթյա դասընթացներ
5. Մոտոհրաձգային, հրաձգային, տանկային գումարտակի (դիվիզիոնի) հրամանատարների և տեղակալների որակավորման բարձրացման և ռազմամասնագիտական ուսուցման 21-շաբաթյա դասընթացներ
ՖԱԿՈՒԼՏԵՏՆԵՐ ԵՎ ԲԱԺԻՆՆԵՐ
Համալսարանում ուսումնական գործընթացը պլանավորվում և իրականացվում է ուսումնամեթոդական բաժնի, երեք ֆակուլտետների և չորս առանձին ամբիոնների ուժերով՝
- հրամանատարաշտաբային ֆակուլտետ, որը բաղկացած է.
- միջազգային և ազգային անվտանգության ամբիոնից,
- առաջնորդման և կառավարման ամբիոնից,
- ռազմարվեստի ամբիոնից,
- համազորային ֆակուլտետ, որը բաղկացած է.
- մարտավարության ամբիոնից,
- զորատեսակների և ծառայությունների ամբիոնից,
- կրակային պատրաստության ամբիոնից,
- զրահատանկային ու ավտոմոբիլային տեխնիկայի ամբիոնից,
- հրետանու ֆակուլտետ, որը բաղկացած է.
- հրաձգության և հրետանու կրակի կառավարման ամբիոնից,
- հրետանու մարտավարության և մարտական կիրառման ամբիոնից,
- սպառազինության և շահագործման ամբիոնից,
- ստորաբաժանումների ամենօրյա ղեկավարման և ռազմաիրավական պատրաստության ամբիոն,
- ճշգրիտ առարկաների ամբիոն,
- հումանիտար առարկաների և լեզուների ամբիոն,
- ֆիզիկական պատրաստության և սպորտի ամբիոն
Համազորային ֆակուլտետ
Համազորային ֆակուլտետում իրականացվում է «Ստորաբաժանումների կառավարման» բակալավրի որակավորմամբ «Մոտոհրաձգային ստորաբաժանումների կառավարում», «Հրետանային ստորաբաժանումների կառավարում», «Տանկային ստորաբաժանումների կառավարում», «Հետախուզական ստորաբաժանումների կառավարում» և «Ինժեներասակրավորային ստորաբաժանումների կառավարում» մասնագիտությամբ կրտսեր սպայական կազմի պատրաստումը:
Հրետանային ֆակուլտետ
Հրետանային ֆակուլտետում իրականացվում է «Ստորաբաժանումների կառավարում» բակալավրի որակավորմամբ «Հրետանային ստորաբաժանումների կառավարում» մասնագիտությամբ կրտսեր սպայական կազմի պատրաստումը:
Հրամանատարաշտաբային ֆակուլտետ
Հրամանատարաշտաբային ֆակուլտետում իրականացնում է «Միավորումների և զորամասերի կառավարում» մագիստրոսի որակավորմամբ «Միավորումների և զորամասերի կառավարում» և «Հրետանային միավորումների և զորամասերի կառավարում» մասնագիտությամբ ավագ սպայական կազմի պատրաստումը:
Ֆիզիկական պատրաստության և սպորտի, հումանիտար առարկաների և լեզուների, ճշգրիտ առարկաների, ստորաբաժանումների ամենօրյա ղեկավարման և ռազմաիրավական պատրաստության առանձին ամբիոնների ուժերով անցկացվում է ֆիզիկական պատրաստության, լեզուների, ընդհանուր գիտական և ինժեներատեխնիկական և հասարակագիտական առարկաների դասավանդումը:
ԴԱՍԱՎԱՆԴՎՈՂ ԱՌԱՐԿԱՆԵՐ
Համալսարանում դասավանդվում են՝
- ստորաբաժանումների բակալավրի որակավորում ստացող կուրսանտների համար` 68 առարկա,
- միավորումների, զորամասերի կառավարման մագիստրոսի որակավորում ստացող ունկնդիրների համար` 27 առարկա,
- լրացուցիչ կրթական ծրագրերով ուսուցանվողների համար՝ մինչև 26:
Ռազմական համալսարանում ուսման առաջադիմությունը խթանելու նպատակով պաշտպանության նախարարի հրամանով սահմանված են «Զորավար Անդրանիկ», «Մարշալ Բաղրամյան», «Արամ Մանուկյան», «Վազգեն Սարգսյան», ինչպես նաև հասարակական կազմակերպությունների կողմից սահմանված՝ «Գարեգին Նժդեհ» և «Աշոտ Նավասարդյան» անվանական պարգևավճարներ:
Համալսարանն ունի չորս գրադարան, որոնցից երկուսը՝ էլեկտրոնային, սպորտդահլիճ, թանգարան, բուժկետ, նախատեսվում է ունենալ սեփական լողավազան (ներկա պահին կուրսանտները օգտվում են պաշտպանության նախարարության վարչական համալիրի լողավազանից): Կուրսանտների և ունկնդիրների, ինչպես նաև նրանց ընտանիքների անդամների համար պարբերաբար կազմակերպվում են այցելություններ Երևանի մշակութային օջախներ: Սննդի կազմակերպումն իրականացվում է սահմանափակ պատասխանատվությամբ ընկերության կողմից, որի արդյունքում գրանցվել է սննդի պատրաստման և մատուցման որակական բարելավում:
Համալսարանի շրջանավարտներն ապահովվում են կայուն, երկարաժամկետ աշխատանքով և բարձր աշխատավարձով, օգտվում են զինծառայողների և նրանց ընտանիքների անդամների համար սոցիալական ապահովման մասին օրենքով սահմանված արտոնություններից՝ բնակարանային ապահովում, անվճար բժշկական օգնություն (այդ թվում՝ նրանց ընտանիքների անդամները), առողջարանային հանգիստ, անվճար տրանսպորտային ապահովում, երկարամյա ծառայողական կենսաթոշակ: