Հայաստանի Հանրապետության Նախագահի հրամանագրերով նոր նշանակումներ են կատարվել ՀՀ զինված ուժերում

29 Սեպտեմբերի, 2017
Հայաստանի Հանրապետության Նախագահ Սերժ Սարգսյանը սեպտեմբերի 28-ին հրամանագիր է ստորագրել գեներալ-մայոր Արտակ Դավթյանին ՀՀ ՊՆ 5-րդ բանակային կորպուսի հրամանատար նշանակելու մասին` ազատելով նրան Հայաստանի Հանրապետության զինված ուժերի Հայաստանի Հանրապետության զինված ուժերի գլխավոր շտաբի օպերատիվ վարչության պետի պաշտոնից:

Հայաստանի Հանրապետության Նախագահը սեպտեմբերի 28-ին հրամանագիր է ստորագրել նաև գեներալ-մայոր Արթուր Սիմոնյանին Խաղաղապահ ուժերի բրիգադի հրամանատարի պաշտոնից ազատելու մասին: ՀՀ նախագահի սեպտեմբերի 28-ի մեկ այլ հրամանագրով Խաղաղապահ ուժերի բրիգադի հրամանատար է նշանակվել գնդապետ Վաղինակ Սարգսյանը` ազատվելով Հայաստանի Հանրապետության զինված ուժերի գլխավոր շտաբի հետախուզության վարչության պետի պաշտոնից, կնքելով պայմանագիր մեկ տարի ժամկետով` 2017 թվականի սեպտեմբերի 30-ից:

Սեպտեմբերի 29-ին Հայաստանի Հանրապետության Նախագահ Սերժ Սարգսյանը հրամանագիր է ստորագրել գեներալ-մայոր Տիրան Խաչատրյանին ՀՀ զինված ուժերի գլխավոր շտաբի օպերատիվ վարչության պետ նշանակելու մասին` ազատելով նրան Հայաստանի Հանրապետության զինված ուժերի մարտական պատրաստության վարչության պետի պաշտոնից:

ՀՀ Նախագահի սեպտեմբերի 29-ի ﬔկ այլ հրամանագրով գեներալ-մայոր Առաքել Մարտիկյանը նշանակվել է Հայաստանի Հանրապետության զինված ուժերի գլխավոր շտաբի հետախուզության վարչության պետ` ազատվելով Հավաքական անվտանգության մասին պայմանագրի կազմակերպությունում Հայաստանի Հանրապետության մշտական ներկայացուցչության Հայաստանի Հանրապետության զինված ուժերի ներկայացուցչի պաշտոնից։

  • Տարածել