ՀՀ կառավարության փետրվարի 17-ի որոշմամբ ստեղծվել է «Հումանիտար ականազերծման եւ փորձագիտական կենտրոն» պետական ոչ առեւտրային կազմակերպությունը (ՊՈԱԿ)։

ՀՀ կառավարության փետրվարի 17-ի որոշմամբ ստեղծվել է «Հումանիտար ականազերծման եւ փորձագիտական կենտրոն» պետական ոչ առեւտրային կազմակերպությունը (ՊՈԱԿ)։ Այս որոշմամբ փոխվում է դեռեւս 2002 թվականին հիմնադրված Հումանիտար ականազերծման կենտրոնի իրավական կարգավիճակը: Ստանալով ՊՈԱԿ-ի կարգավիճակ` ականազերծման կենտրոնը կարող է ավելի ճկուն գործունեություն ծավալել եւ ընդգրկվել միջազգային տարբեր ծրագրերում: Կանոնադրությամբ ամրագրված խնդիրների արդյունավետ իրականացման համար իրավասուբյեկտությամբ օժտված և իրավաբանական անձի կարգավիճակ ունեցող Հումանիտար ականազերծման եւ փորձագիտական կենտրոնը հնարավորություն կունենա իր անունից վարել բանակցություններ հումանիտար ականազերծման գործունեություն իրականացնող միջազգային կազմակերպությունների, տարբեր հիմնադրամների հետ, նրանց հետ կնքել համագործակցության և այլ պայմանագրեր, ստանալ վերոնշյալ կազմակերպությունների և հիմնադրամների ինչպես մասնագիտական խորհրդատվությունը, այնպես էլ նյութական աջակցությունը: [b]ՀՀ ՊՆ տեղեկատվության և հասարակայնության հետ կապերի վարչություն[/b]