ՀՀ պաշտպանության նախարարի առաջին տեղակալ Դավիթ Տոնոյանը հոկտեմբերի 18-ին ընդունել է սպառազինությունների վերահսկման հարցերով ԱՄՆ պետքարտուղարի օգնական Ռոզ Գոթեմյուլերին և ԱՄՆ պաշտպանության փոխնախարարի տեղակալ Սելեսթ Վոլանդերին: Հանդիպմանը մասնակցում էր նաև Հայաստանում ԱՄՆ արտակարգ և լիազոր դեսպան Ջոն Հեֆերնը: Քննարկվել են տարածաշրջանային անվտանգությանը, սպառազինությունների վերահսկմանը, Եվրոպայում սովորական զինված ուժերի /ԵՍԶՈՒ/ պայմանագրի ապագային առընչվող հարցեր: Անդրադարձ է կատարվել նաև տարբեր երկրների կողմից ԵՍԶՈՒ պայմանագրի պահանջների խախտման դեպքերին: