Հաշվետու զեկույցով հանդես է եկել ՀՀ ԶՈՒ գլխավոր շտաբի պետի տեղակալ, գեներալ-մայոր Վալերի Գրիգորյանը` նշելով, որ ձեռնարկված կանխարգելիչ միջոցառումների շնորհիվ նախորդ տարվա համեմատ արձանագրվել է իրավախախտումների ու հանցագործությունների նվազում: Ելույթներով հանդես են եկել ՀՀ ԶՈՒ գլխավոր շտաբի պետ, գեներալ-գնդապետ Յուրի Խաչատուրովը, զինվորական դատախազ Գևորգ Կոստանյանը, ՊՆ ռազմական ոստիկանության պետը և բանակային զորամիավորումների հրամանատարները: ՀՀ պաշտպանության նախարար Սեյրան Օհանյանը, հանդես գալով ամփոփիչ ելույթով, մասնավորապես ասել է. «2011թ. առաջին կիսամյակը, որը հայտարարված էր կարգապահության կիսամյակ, հիմք է տալիս փաստելու, որ զինված ուժերում կարգապահության ամրապնդման ուղղությամբ արձանագրվել է զգալի առաջընթաց: Սակայն առկա հաջողությունները բավարար չեն և անհրաժեշտ է հետևողական աշխատանքով զարգացնել ու շարունակական դարձնել ձեռքբերումներըե: Օրինակելի կարգապահ ճանաչված զորամասերը առաջիկայում պարգևատրվելու և խրախուսվելու են: