Ս.թ. Հունիսի 14-ին ՀՀ Պաշտպանության նախարար Միքայել Հարությունյանը Բրյուսելում մասնակցեց Եվրաատլանտյան գործընկերության խորհրդի պաշտպանության նախարարների ամենամյա նիստին:

Նիստից առաջ կայացած կարճատև հանդիպման սկզբում ՆԱՏՕ-ի գլխավոր քարտուղար Սխեֆերը Միքայել Հարությունյանին շնորհավորեց պաշտպանության նախարարի պաշտոնը ստանձնելու կապակցությամբ: Կողմերը փոխանակեցին կարծիքներ Եվրաատլանտյան տարածաշրջանում անվտանգության գործընթացների վերաբերյալ: Պաշտպանության նախարար Միքայել Հարությունյանը նիստում հնչեցրած իր ելույթում վերահաստատեց խաղաղապահ առաքելություններին Հայաստանի մասնակցությունն ընդլայնելու ՀՀ կառավարության պատրաստականությունը: Նույն օրը կայացան երկկողմանի բանակցություններ Հունաստանի պաշտպանության նախարար Մեյմարակիսի և Չեխիայի պաշտպանության նախարար տիկին Պարկանովայի հետ, որոնց հետ քննարկվեցին ՀՀ ԶՈՒ խաղաղապահ կարողությունների զարգացմանն ու իրականացվող պաշտպանական բարեփոխումներին այդ երկրների կողմից ցուցաբերվող աջակցությանն առնչվող հարցեր: