Ս.թ. Հոկտեմբերի 17-ին ՀՀ պաշտպանության նախարար Միքայել Հարությունյանը ընդունեց ՀՀ-ում Եգիպտոսի Արաբական Հանրապետության նորանշանակ արտակարգ և լիազոր դեսպան պրն. Վահիդ Ելդին Իսմայիլ Գալալին:

Հանդիպան սկզբում զրուցակիցները քննարկեցին երկկողմ համագործակցության և տարածաշրջանային զարգացումներին ու խնդիրներին վերաբերող հարցեր: Կողմերը փաստեցին, որ Հայաստանի և Եգիպտոսի միջև ստեղծվել են բարձր մակարդակի հարաբերություններ, որոնք բազմիցս կարևորվել են երկու բարեկամ երկրների ղեկավարնեի կողմից: Նախարար Մ.Հարությունյանը նշեց, որ Հայաստանի և Եգիպտոսի միջև գոյություն ունեցող բարիդրացական հարաբերությունները իրենց նպաստավոր ազդեցությունն են ունենում ամբողջ տարածաշրջանի կայունության ապահովման առումով: Խոսելով Լեռնային Ղարաբաղի խնդրի շուրջ նախարարը կարևորեց ցանկացած երկրի, արդ թվում Եգիպտոսի ողջախոհ և կառուցողական դիրքորոշումը Լեռնային Ղարաբաղի հակամարտության խաղաղ կարգավորվամ գործում: