ՀՀ պաշտպանության նախարարությունում քննարկվում է «ՀՀ պաշտպանության նախարարությանն առընթեր հասարակական խորհուրդ ստեղծելու մասին» ՀՀ պաշտպանության նախարարի հրամանի նախագիծը:

Նորաստեղծ հասարակական խորհուրդը նպատակ ունի ապահովել պաշտպանության նախարարության և ՀՀ քաղաքացիների փոխհամագործակցությունը, բանակաշինության, զինված ուժերում մարդու իրավունքների և հիմնարար ազատությունների պաշտպանության, ՀՀ ԶՈւ նկատմամբ քաղաքացիական վերահսկողության և քաղաքացիական հասարակության սկզբունքների զարգացման հարցերում հասարակական կազմակերպությունների, պետական և տեղական ինքնակառավարման մարմինների շահերի փոխհամաձայնեցումը: Հասարակական խորհուրդը խորհրդակցական մարմին է, որը ձևավորվելու է կամավորության սկզբունքով, հասարակական նախաձեռնությամբ ներկայացված հայտերի հիման վրա: Խորհրդի կազմում կընդգրկվեն գիտության, կրթության, արվեստի, սպորտի և այլ բնագավառների գործիչներ: