Ապրիլի 7-ին ՀՀ պաշտպանության նախարար Սեյրան Օհանյանը ԶՈՒ ԳՇ պետ, գեներալ-գնդապետ Յուրի Խաչատուրովի ուղեկցությամբ հերթական աշխատանքային այցով եղել է ԶՈՒ զորամասերից մեկում, ծանոթացել է ծառայության կազմակերպմանը, զորամասի խնդիրներին, նախորդ այցի ընթացքում իր տված ցուցումների համաձայն կատարված աշխատանքներին: Նույն օրը ՀՀ ԶՈւ հակաօդային պաշտպանության զորամասերից մեկում տեղի է ունեցել նորակառույց զորանոցի բացման արարողությունը:

Սեյրան Օհանյանը նորակառույցի կապակցությամբ շնորհավորել է զինանձնակազմին և զորանոցային նոր` առավել հարմարավետ պայմաններում մաղթել ծառայողական հաջողություններ: Զորանոցը կառուցվել է ժամանակակից չափանիշներին համապատասխան, ստեղծված են սոցիալ կենցաղային անհրաժեշտ պայմանները: ՀՀ ՊՆ տեղեկատվության և հասարակայնության հետ կապերի վարչություն