Որոնել
  • Գլխավոր
  • Լուրեր
  • Մեկնարկել է համաբանակային սպարտակիադայի եզրափակիչ փուլը

Մեկնարկել է համաբանակային սպարտակիադայի եզրափակիչ փուլը

5 Հունիսի, 2018 19:02
ՀՀ զինված ուժերում մեկնարկել է Հայաստանի առաջին հանրապետության 100-ամյակին նվիրված 18-րդ համաբանակային սպարտակիադայի եզրափակիչ փուլը: Զորամասերից մեկում կայացած բացման հանդիսավոր արարողությանը ներկա է եղել ՀՀ ԶՈՒ մարտական պատրաստության վարչության պետ-ՀՀ ԶՈՒ ԳՇ պետի տեղակալ, գեներալ-մայոր Անդրանիկ Մակարյանը:

Անդրանիկ Մակարյանը շնորհավորել է սպարտակիադայի մասնակից զինծառայողներին ընտրական փուլերը հաղթահարելու կապակցությամբ, հաջողություններ և արժանապատիվ պայքար մաղթել եզրափակիչ փուլում:

Համաբանակային սպարտակիադայի նախնական փուլերը հաղթահարած թիմերն ու մարզիկները եզրափակիչ փուլում կմրցեն հրաձգության, ռազմամարզական եռամարտի, քառամարտի մրցաձևերում: Կանցկացվեն նաև նաև կրոսավազք, կողմնորոշում տեղանքում և ռազմականացված այլ մրցույթներ:

Համաբանակային սպարտակիադայի արդյունքները կամփոփվեն հունիսի 9-ին:

  • Տարածել