Անցկացվել է ՀՀ ՊՆ խաղաղապահ բրիգադի հրահանգչական կազմի դասընթաց

16 Մարտի, 2018 11:01

Փետրվարի 18-ից մարտի 16-ը Մեծ Բրիտանիայի զինված ուժերի ռազմական ուսումնախորհրդատվական խմբի հրահանգիչների կողմից ՀՀ ԶՈՒ «ԶԱՌ» ուսումնական կենտրոնում ՀՀ ՊՆ խաղաղապահ բրիգադի հրահանգչական կազմի համար անցկացվել է խաղաղապահ հրահանգիչների դասընթաց, որի շրջանակում 20 հրահանգիչներ պատրաստվել են միջազգային չափորոշիչներին համապատասխան մեթոդաբանության խաղաղապահ դասընթացներ անցկացնելու համար:

Մարտի 16-ին, դասընթացի ավարտական արարողության ժամանակ, շրջանավարտներին ավարտական հավաստագրերն է հանձնել ՀՀ-ում Միացյալ Թագավորության դեսպան Ջուդիթ Ֆարնուորթը: Պարապմունքի ընթացքում առավել ակտիվություն և գիտելիքների բարձր մակարդակ ցուցաբերած զինծառայողները պարգևատրվել են խորհրդանշական նվերներով: