Ամփոփվեց ՀՀ ՊՆ և ԵԱՀԿ 2014թ. երևանյան գրասենյակի համագործակցության ծրագիրը

19 Դեկտեմբերի, 2014 00:00

Դեկտեմբերի 18-ին ՀՀ պաշտպանության նախարարության վարչական համալիրում տեղի ունեցավ ՀՀ ՊՆ և ԵԱՀԿ երևանյան գրասենյակի 2014թ. համագործակցության ծրագրի ամփոփումը:

Միջոցառմանը ելույթ ունեցան ՀՀ պաշտպանության նախարար Սեյրան Օհանյանը և ԵԱՀԿ երևանյան գրասենյակի ղեկավար, դեսպան Անդրեյ Սորոկինը, այդուհետ զեկույցներով հանդես եկան համագործակցող ՀԿ-ների ղեկավարները: ՀՀ պաշտպանության նախարարը և ԵԱՀԿ երևանյան գրասենյակի ղեկավարը 2014թ. ընթացքում դասընթացներ անցած մասնակիցներին հանձնեցին նաև համապատասխան հավաստագրեր: Միջոցառման ավարտին Սեյրան Օհանյանը և Անդրեյ Սորոկինը ստորագրեցին ՀՀ ՊՆ և ԵԱՀԿ երևանյան գրասենյակի միջև համագործակցության 2015թ. ծրագիրը: