Դավիթ Տոնոյանը շնորհավորել է գնդապետ Լեմաշին և հույս հայտնել, որ նրա նշանակումից հետո հայ-չեխական պաշտպանական համագործակցությունը մոտ ապագայում նոր թափ կստանա: Չեխիայի գործերի ժամանակավոր հավատարմատարը իր հերթին նշել է, որ Հայաստանի հետ համագործակցությունը շատ է կարևորվում Չեխիայի պաշտպանության նախարարության կողմից, և հաշվի առնելով երկու երկրների միջև կնքված պաշտպանական համագործակցության մասին համաձայնագիրը, չեխական կողմը պատրաստ է էլ ավելի զարգացնել համագործակցությունը: Հանդիպման ընթացքում քննարկվել են երկկողմ համագործակցությանը և տարածաշրջանային անվտանգությանն առնչվող հարցեր: