Առաջնության անցկացման ամբողջ ընթացքը կազմակերպում է ՀՀ ԶՈւ մարտական պատրաստության վարչությունը: Առաջնության հիմնական նպատակներն են ԱՊՀ անդամ-պետությունների զինված ուժերի միջև բարեկամության ամրապնդումն ու համագործակցության զարգացումը ֆիզիկական պատրաստության և սպորտի ոլորտում, առողջ ապրելակերպի քարոզումը ԱՊՀ պետությունների զինված ուժերում, երիտասարդության հայրենասիրական դաստիարակությունը, զինծառայող-մարզիկների բարձր չափանիշների պատրաստության փորձի փոխանակումը, մասսայական սպորտի զարգացումը անդամ-պետությունների զինված ուժերի զինծառայողների շրջանում, ինչպես նաև նրանց ֆիզիկական պատրաստության և բարոյահոգեբանական կայունության բարձրացումը: Մրցումներն անցկացվում են հետևյալ քաշային կարգերում. Մինչև 55 կգ, մինչև 60 կգ, մինչև 74 կգ, մինչև 84 կգ, մինչև 96 կգ, մինչև 120 կգ: Յուրաքանչյուր թիմ կարող է հայտավորել մեկական մասնակից յուրաքանչյուր քաշային կարգում: Կից ներկայացնում ենք մրցույթի և նախատեսվող այլ միջոցառումների ծրագիրը: 23.04.2013 12.00 – Մրցումների սկզբնական մարտեր 16.30 – Առաջնության հանդիսավոր բացում 17:00 – Եզրափակիչ մարտեր 18:00–Մրցույթի հաղթողների և մրցանակակիրների պարգևատրում ՀՀ պաշտպանության նախարարի կողմից Առաջնության անցկացման վայրը` Երևան, Աճառյան փող., 35/31 շենք (Ավան վարչ. շրջան), Հայաստանի ֆուտբոլի ֆեդերացիայի տեխնիկական կենտրոն-ակադեմիա 24.04.2013 9:00–Մասնակիցների այցելություն Հայոց ցեղասպանության զոհերի հուշահամալիր