Նիստի ընթացքում քննարկվել են ռադիացիոն, քիմիական և կենսաբանական իրավիճակի վերահսկման Միացյալ համակարգի զարգացման հետ կապված ռազմատեխնիկական համագործակցությանը, օպերատիվ պատրաստության համատեղ միջոցառումների կազմակերպմանը և անցկացմանը, ինչպես նաև ՌՔԿ իրավիճակի գնահատման միասնական մեթոդիկայի մշակմանը և դրա փոփոխման մասին տվյալների փոխանցմանը վերաբերող հարցեր: ԱՊՀ անդամ-պետությունների պաշտպանության նախարարությունների ՌՔԿՊ զորքերի հրամանատարների Համակարգող կոմիտեն ստեղծվել է 2010 թվականի ապրիլին ԱՊՀ անդամ-պետությունների Պաշտպանության նախարարների խորհրդի որոշմամբ` Պաշտպանության նախարարների խորհրդի քարտուղարությանն առնընթեր: Այն նախատեսված է ԱՊՀ անդամ-պետությունների պաշտպանության նախարարությունների ՌՔԿ իրավիճակի վերահսկման և գնահատման Միացյալ համակարգի ստեղծման, զարգացման և կատարելագորման գործողությունների համաձայնեցման, պլանավորման, ՌՔԿ իրավիճակի փոփոխման ծանուցման առնչությամբ համընդհանուր միջոցառումների կազմակերպման և անցկացման համար: Համակարգող խորհրդի ստեղծման մասին համաձայնագրի մասնակից-պետությունները վեցն են` Հայաստանի Հանրապետություն, Ռուսաստանի Դաշնություն, Բելոռուսի Հանրապետություն, Տաջիկստանի Հանրապետություն, Ղազախստանի Հանրապետություն, Ղրղզստանի Հանրապետություն: