Մ.Հարությունյանն ընդունեց Հայաստանում Հունաստանի դեսպանին

11 Հուլիսի, 2007 00:00
Ս.թ. հուլիսի 11-ին ՀՀ պաշտպանության նախարար Միքայել Հարությունյանն ընդունեց Հայաստանի Հանրապետությունում Հունաստանի արտակարգ և լիազոր դեսպան, տիկին Պանայոտա Մավրոմիխալիին:

Հանդիպման սկզբում դեսպանը շնորհավորեց Մ.Հարությունյանին` պաշտպանության նախարարի պաշտոնը ստանձնելու կապակցությամբ: Անդրադառանալով երկկողմ հարաբերությունների համատեքստում ռազմական, ռազմատեխնիկական և ռազմաուսումնական համագործակցության ներկա վիճակին, կողմերը փաստեցին այդ համագործակցության խորացման անհրաժեշտությունը: Զգալի է առաջընթացը հատկապես ռազմական կրթության ոլորտում. մինչ օրս հունական ռազմաուսումնական հաստատություններում պատրաստվել և վերապատրաստվել է շուրջ 100 սպա: Այսօր այդ հաստատություններում ուսանում է 38 կուրսանտ, որից 14-ը սովորում են Հունաստանի ռազմաբժշկական, իսկ 24-ը` Ցամաքային զորքերի ակադեմիաներում: Դեսպանն իր գոհունակությունը հայտնեց հունական ստորաբաժանման կազմում Կոսովոյում խաղաղարար առաքելություն իրականացնող հայկական խաղաղապահ դասակի մասնագիտական բարձր պատրաստվածության համար: Նախարարը, իր հերթին, բարձր գնահատելով հունական կողմի` խաղաղարար գործունեությանը ցուցաբերած աջակցությունը, ներկայացրեց առաջիկայում այս ոլորտում նախատեսվող ծրագրերը: Խոսելով ԼՂՀ խնդրի կարգավորման հարցի շուրջ, դեսպանը կարևորեց վերոնշյալ խնդրի խաղաղ կարգավորման ճանապարհը: Քննարկվեցին նաև տարածաշրջանային անվտանգությանն ու կայունությանն առնչվող մի շարք հարցեր: Հանդիպման ավարտին կողմերը մտքեր փոխանակեցին մեր երկրի զինված ուժերում իրականացվող բարեփոխումների վերաբերյալ:
  • Տարածել