Մ.Հարությունյանն ընդունեց Հայաստանում Հունաստանի դեսպանին

18 Սեպտեմբերի, 2007 00:00
Ս.թ. սեպտեմբերի 18-ին ՀՀ պաշտպանության նախարար Միքայել Հարությունյանը դիվանագիտական առաքելությունն ավարտելու կապակցությամբ ընդունեց Հայաստանի Հանրապետությունում Հունաստանի արտակարգ և լիազոր դեսպան, տիկին Պանայոտա Մավրոմիխալիին: Հանդիպման սկզբում, անդրադառնալով վերջին տարիներին օրեցօր խորացող հայ-հունական ռազմական համագործակցությանը` նախարարը բարձր գնահատեց դեսպանի ներդրումը` մաղթելով նրան հաջողություն հետագա առաքելություններում:

Դեսպանն իր հերթին շնորհակալություն հայտնեց պաշտպանության նախարարին` ջերմ խոսքերի համար, ասելով որ հեռանում է Հայաստանից մեծ տպավորություններով: Խոսելով հունական ստորաբաժանման կազմում Կոսովոյում խաղաղարար առաքելություն իրականացնող հայկական խաղաղապահների մասին` նախարարը ներկայացրեց առաջիկայում այս ոլորտում նախատեսվող ծրագրերը: Կողմերը քննարկեցին նաև մեր երկրի զինված ուժերում իրականացվող բարեփոխումների վերաբերյալ մի շարք հարցեր:
  • Տարածել