Ս.թ. հոկտեմբերի 23-ին ՀՀ պաշտպանության նախարար Միքայել Հարությունյանն ընդունեց պաշտոնական այցով Հայաստան ժամանած Հունաստանի ազգային պաշտպանության գլխավոր շտաբի պետ, գեներալ Դիմիտրիոս Ղրափսասի գլխավորած պատվիրակությանը:

Նախարար Միքայել Հարությունյանը, փաստելով հայ եւ հույն եղբայրական ժողովուրդների բազմադարյա բարեկամական հարաբերությունները, ողջունեց Հունաստանի պաշտպանության գլխավոր շտաբի պետի գլխավորած պատվիրակության այցը Հայաստան: Անդրադառնալով երկկողմ հարաբերությունների համատեքստում ռազմատեխնիկական համագործակցության ներկա վիճակին` կողմերը նշեցին, որ ունեն հնարավորություն և, ամենակարևորը, ցանկություն` խորացնելու այդ համագործակցությունը: Գեներալ Դիմիտրիոս Ղրափսասը գոհունակություն հայտնեց հունական ստորաբաժանման կազմում Կոսովոյում խաղարարար առաքելություն իրականացնող հայկական խաղաղապահ դասակի մասնագիտական բարձր պատրաստվածության համար: Իր հերթին նախարար Մ.Հարությունյանը բարձր գնահատելով խաղարար գործունեությանը հունական կողմի ցուցաբերած աջակցությունը, ներկայացրեց առաջիկայում այս ոլորտում նախատեսվող ծրագրերը: Հանդիպան վերջում անդրադարձ եղավ մեր երկրի զինված ուժերում իրականացվող բարեփոխումներին: