Ս.թ. փետրվարի 28-ին ՀՀ պաշտպանության նախարար Մ. Հարությունյանի գլխավորած պատվիրակությունը հանդիպեց Վրաստանի Հանրապետության պաշտպանության նախարար Դավիթ Կեզերաշվիլու հետ:

Հանդիպման ընթացքում կողմերը քննարկեցին տարածաշրջանային անվտանգությանը, երկկողմ ռազմական և ռազմատեխնիկական համագործակցության զարգացման նպատակով պայմանագրաիրավական բազայի ստեղծման հրատապ անհրաժեշտությանը, պաշտպանական բարեփոխումների ոլորտում փորձի փոխանակման համագործակցությանն առնչվող հարցեր: Վրաստանի արտգործնախարար Դավիթ Բակրաձեի հետ հանդիպմանը կողմերը փաստեցին ինչպես Վրաստանի, այնպես էլ Հայաստանի ներքին կայունության անհրաժեշտությունը տարածաշրջանի անվտանգության ամրապնդման գործում: Պաշտպանության նախարար Մ. Հարությունյանը ծաղկեպսակ դրեց Վրաստանի անկախության, տարածքային ամբողջականության և միասնության համար ընկած հերոսների հուշահամալիրին: