Ս.թ. նոյեմբերի 18-ին ՀՀ պաշտպանության նախարար Ս.Օհանյանն ընդունեց աշխարհահռչակ ծանրորդ, ծանրամարտի օլիմպիական չեմպիոն, ռեկորդակիր, հայազգի լեգենդ Յուրի Վարդանյանին:

Նախարարը նախ ողջունեց հայ ազգի պանծալի զավակին` նշելով, որ վերջինիս բարձր ոգու օրինակով ոգևորվել և դաստիարակվել է մի ամբողջ սերունդ: Ապա Ս.Օհանյանը խոսեց բանակի կազմավորման առանձնահատկությունների, ներկա վիճակի, ՀՀ պաշտպանության համակարգում իրականացվող բարեփոխումների, հեռանկարների և արձանագրված առաջընթացների մասին: Յու.Վարդանյանն իր հերթին խոստացավ վերադառնալուն պես հանդիպել սփյուռքի ներկայացուցիչների հետ և նրանց մանրամասը ներկայացնել բանակի իրական պատկերը` պատմելով նաև այս ջերմ ընդունելության մասին: Հանդիպման վերջում ՀՀ պաշտպանության նախարար Ս.Օհանյանը Յուրի Վարդանյանին նվիրեց խորհրդանշական սուր, որի վրա մակագրված էր. «Հայ սպորտի կենդանի լեգենդ Յուրի Վարդանյանին: Հայ քաջազունին` որպես առասպելական ուժ ու հզորություն մարմնավորող կերպարի` ամենաանկեղծ մաղթանքներով և մեծագույն հարգանքով: ՀՀ պաշտպանության նախարար Ս.Օհանյան»