Ս.թ. դեկտեմբերի 27-ին, ՀՀ կառավարությունը` ՀՀ Նախագահ Սերժ Սարգսյանի գլխավորությամբ այցելեց «Եռաբլուր» զինվորական պանթեոն` հարգանքի տուրք մատուցելու հայրենիքի ազատության համար իրենց կյանքը զոհաբերած հայորդիների հիշատակին:

Այցի ավարտին ԶԼՄ ներկայացուցիչներին տված հարցազրույցում ՀՀ պաշտպանության նախարար Ս.Օհանյանն ասաց, որ Ամանորի նախաշեմին զոհված ընկերների շիրիմներին այցելելն արդեն դարձել է ավանդույթ. «Ամեն տարի գալիս ենք մեր զոհված մարտական ընկերների շիրիմներին այցելության. այս կերպ, կարծես, շնորհավորում ենք նրանց Ամանորը: Եվ պարտավոր ենք այդ անել»: