Սուրեն Պապիկյանն անակնկալ այց է կատարել մարզերից մեկում տեղակայված ՊՆ զորամասեր

9 Սեպտեմբերի, 2026 20:00

Ծառայության պատշաճ կազմակերպման և զինծառայողների համար լավագույն պայմանների ապահովման հարցերը մշտապես պաշտպանության նախարարի ուշադրության կենտրոնում են:

Սեպտեմբերի 9-ին՝ վաղ առավոտյան, պաշտպանության նախարար Սուրեն Պապիկյանն անակնկալ այց է կատարել մարզերից մեկում տեղակայված ՊՆ զորամասեր։

Նախարարը հետևել է վերկացի և առավոտյան մարմնամարզության, ինչպես նաև ծառայության կազմակերպման ընթացքին։

Այցի ընթացքում նախարար Պապիկյանը զինծառայողների հետ նախաճաշել է և հետևել սննդի պատրաստման ու մատուցման գործընթացին։