Հայ ականավոր ռազմական-քաղաքական գործիչ, սպարապետ Վազգեն Սարգսյանի ծննդյան 50-րդ տարեդարձին նվիրված միջոցառումների շրջանակներում ս.թ. մարտի 5-ին, ժամը 09:00-ին կկայանա այցելություն ՀՀ ՊՆ Վ.Սարգսյանի անվան ռազմական ինստիտուտ: Նույն օրը, ժամը 10:00-ին «Եռաբլուր» զինվորական պանթեոնում տեղի կունենա ծաղկեպսակների դրման հանդիսավոր արարողություն` Վ.Սարգսյանի շիրիմին, իսկ 10:30` Վ.Սարգսյանի անվան փողոցում` Վ.Սարգսյանի կիսանդրու մոտ:

Ժամը 19:00 Երևանի` Կ.Դեմիրճյանի անվան մարզահամերգային համալիրում տեղի կունենա Վ.Սարգսյանի ծննդյան 50-ամյակին նվիրված տոնական համերգ-երեկո: Ի դեպ, ս.թ. մարտի 3-ին, 4-ին և 5-ին Հանրապետության տարբեր դպրոցներում և զորամասերում տեղի կունենան Վ.Սարգսյանի ծննդյան 50-ամյակին նվիրված միջոցառումներ: