Ս.թ. ապրիլի 7-ին Երևանի «Մոսկվա» կինոթատրոնում «Նիգ-Ապարան» հայրենակցական միության նախաձեռնությամբ կայացավ հայազգի աշխարհահռչակ բռնցքամարտիկներ, IBF վարկածով աշխարհի չեմպիոն Արթուր Աբրահամի և թեթև քաշային կարգում IBF, WBA և WBC վարկածներով աշխարհի բացարձակ չեմպիոն Վախթանգ Դարչինյանի մեծարման երեկոն:

Շնորհավորելով բռնցքամարտիկներին` ՀՀ պաշտպանության նախարար Սեյրան Օհանյանը կարևորեց նրանց դերը միջազգային ասպարեզում Հայաստանի պատիվը բարձր պահելու և մատաղ սերնդի ռազմահայրենասիրական դաստիարակության գործում: Այնուհետև Սեյրան Օհանյանը երկու բռնցքամարտիկներին հանձնեց խորհրդանշական նվերներ: