Հայերեն
English
Русский
Նիկոլ Փաշինյանը և Դավիթ Տոնոյանն այցելել են մարտական հենակետ և հետևել մարտավարական զորավարժությանը
16 Նոյեմբերի, 2018 17:25
Նիկոլ Փաշինյանը և Դավիթ Տոնոյանը ծանոթացել են առաջնագծում առկա իրավիճակին: Նրանց են ներկայացվել ինժեներական և ամրաշինական կառուցվածքները, հուսալի պաշտպանություն իրականացնելու նոր տեխնոլոգիաները, դիրքերում անձնակազմի անվտանգության բարձրացմանն ուղղված աշխատանքներն ու տեխնիկական հագեցվածությունը:
Նիկոլ Փաշինյանն ուսումնական կետում հետևել է բարդ լեռնային տեղանքում անցկացվող մարտական հրաձգությամբ մարտավարական զորավարժությանը, որի ընթացքում գրոհային մարտավարական խմբերը գործել են բնագծերի բարելավման ուղղությամբ:
Կառավարության ղեկավարի պաշտոնակատարը զրուցել է մարտական հերթապահություն իրականացնող զինծառայողների և հրամանատարների հետ, շնորհակալություն հայտնել նրանց անձնվեր ծառայության համար, խրախուսել դիրքապահ զինծառայողներին և մաղթել առողջություն ու խաղաղ ծառայություն: