Հայերեն
English
Русский
22/09/2009
Ավելին22/09/2009
ԱվելինՇտաբի վարչական մասնաշենքի բացում
<img height="327" width="200" align="left" alt="" src="/UserFiles/Image/shenq-1.jpg"/>ՀՀ զինված ուժերի երրորդ բանակային կորպուսի շտաբի վարչական մասնաշենքի բացման կապակցությամբ սեպտեմբերի 22-ին Վանաձոր մեկնեց ՀՀ պաշտպանության նախարար Սեյրան Օհանյանը: Նրան ուղեկցում էին ՀՀ ԶՈւ գլխավոր շտաբի պետ, գեներալ-գնդապետ Յուրի Խաչատուրովը, գլխավոր շտաբի պետի տեղակալ,գեներալ-լեյտենանտ Արշալույս Փայտյանը, երրորդ բանակային կորպուսի հրամանատար, գեներալ-մայոր Լեւոն Երանոսյանը, Լոռու և Տավուշի մարզպետները, Վանաձորի քաղաքապետը, բարձրաստիճան զինվորականներ: Բացման հանդիսավոր արարողությունից հետո սպայական կազմին և վարչական աշխատակիցներին պաշտպանության նախարարը շնորհավորեց Անկախության տոնի և նորամուտի կապակցությամբ, բոլորին մաղթեց անձնական երջանկություն և հաջողություններ` նշելով, որ նոր շենքը, վարչակազմի համար ստեղծված հարմարավետ աշխատանքային պայմանները կօգնեն ամենակարևոր գործառույթներն ու առաջադրանքներն ավելի բարձր մակարդակով կատարելուն:
22/09/2009
Ավելին21/09/2009
ԱվելինԱրարողություններ Հայաստանի Հանրապետության անկախության հռչակման 18-րդ տարեդարձի առթիվ
<img height="178" width="250" align="left" alt="" src="/UserFiles/Image/ankakh-1.jpg"/>ՀՀ անկախության օրվա կապակցությամբ ս.թ. սեպտեմբերի 21-ին «Եռաբլուր» պանթեոն են այցելել ՀՀ նախագահ Սերժ Սարգսյանը, ԼՂՀ նախագահ Բակո Սահակյանը, ՀՀ ԱԺ նախագահ Հովիկ Աբրահամյանը, վարչապետ Տիգրան Սարգսյանը, պաշտպանության նախարար Սեյրան Օհանյանը, ՀՀ ԶՈւ բարձրաստիճան սպայակազմը, պաշտոնատար այլ անձինք: Նրանք ծաղիկներ և ծաղկեպսակներ են դրել արցախյան ազատամարտի զոհերի հիշատակը հավերժացնող հուշակոթողին, Սպարապետ Վազգեն Սարգսյանի, Զորավար Անդրանիկի շիրիմներին: «Անկախության օրվա առթիվ նախ պետք է շնորհավորենք այն մարդկանց, ովքեր կանգնած են եղել ամենաթանկ արժեքի` անկախության ձեռքբերման ակունքներում, և բոլոր նրանց, ում կյանքի շնորհիվ այսօր մեր ժողովուրդն ապրում և արարում է խաղաղ պայմաններում: Մենք պետք է նաև պարտավորվենք, որ յուրաքանչյուրս իր հնարավորությունների, ուժերի ներածի չափով օժանդակի այս ամենը պահպանելուն»,- նշել է պաշտպանության նախարար Ս. Օհանյանը:
21/09/2009
Ավելին19/09/2009
ԱվելինՀՀ ՊԱՇՏՊԱՆՈՒԹՅԱՆ ՆԱԽԱՐԱՐ ՍԵՅՐԱՆ ՕՀԱՆՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆԿԱԽՈՒԹՅԱՆ ՀՌՉԱԿՄԱՆ 18-ՐԴ ՏԱՐԵԴԱՐՁԻ ԿԱՊԱԿՑՈՒԹՅԱՄԲ
<img height="333" width="250" align="left" alt="" src="/UserFiles/Image/seyran-ohanyan-1.jpg"/>Սիրելի հայրենակիցներ Շնորհավորում եմ ձեզ Հայաստանի Հանրապետության անկախության 18-րդ տարեդարձի առթիվ: Անկախության օրը, անկասկած, ամենապայծառ ու կարևորագույն տոնն է: Հայաստանի անկախ պետականության վերակերտումը մեր ժողովրդի` 20-րդ դարավերջի ամենամեծ նվաճումն է: Հանուն մեր պետության հզորացման, նրա միջազգային հեղինակության բարձրացման և հոգևոր-մշակութային զարթոնքի` իրենց ջանքն ու եռանդն են ներդրել հայ հասարակության բոլոր շերտերի ներկայացուցիչները՝ զինվորականները, արվեստագետները, ուսանողները, գյուղացիությունը, բոլորը: Այս տասնութ տարիների ընթացքում մենք կարողացել ենք պաշտպանել մեր երկիրը, կայացնել զինված ուժերը, պետական համակարգը, վերականգնել տնտեսությունը, շունչ հաղորդել մեր մշակույթին, կրթությանը, առողջապահությանը: Ժողովրդի հավաքական գիտակցության մեջ հասունացել է պետականության գաղափարը, ստեղծվել ազգային ինքնագիտակցությանը, պետության կայացմանը նպաստող առողջ մթնոլորտ. նոր սերունդն այլևս ձերբազատված է թերարժեքության բարդույթից, և սա մեր ամենամեծ նվաճումներից մեկն է:
19/09/2009
ԱվելինՀՀ ԶԻՆՎԱԾ ՈՒԺԵՐԻ ԳԼԽԱՎՈՐ ՇՏԱԲԻ ՊԵՏԻ ՇՆՈՐՀԱՎՈՐԱԿԱՆ ՈՒՂԵՐՁԸ ԶՈՒ ԱՆՁՆԱԿԱԶՄԻՆ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆԿԱԽՈՒԹՅԱՆ ՀՌՉԱԿՄԱՆ 18-ՐԴ ՏԱՐԵԴԱՐՁԻ ԱՌԹԻՎ
<img height="344" width="250" align="left" alt="" src="/UserFiles/Image/Khachaturov-2.jpg"/>Հայաստանի անկախության տոնի առթիվ ջերմորեն շնորհավորում եմ Հայոց բանակի գեներալներին, սպայական, ենթասպայական, սերժանտական, շարքային կազմի ողջ անձնակազմին, ՀՀ ԶՈՒ բանվորներին ու ծառայողներին։ Անկախությունը մեր համազգային նվաճումն է, որը հայ ժողովրդին հնարավորություն է տվել վերակերտելով իր պետականությունր, ապահովել ինքնիշխան ապրելու և հարատևելու լայն ճանապարհ։ Այն ողջ հայության համար համընդհանուր ձեռքբերում լինելուց զատ, նաև յուրաքանչյուրիս հպարտությունն է, արժանապատիվ ապրելու գրավականը։ Միաժամանակ անկախությունը բոլորիս վրա մեծ պարտականություն է դնում։ Եվ դա նախ և առաջ այն պահել-պահպանելու սուրբ գործն է։ Անպաշտպան երկրի անկախությունը խիստ խոցելի է ու վտանգված։
19/09/2009
ԱվելինՀԱՆԴԻՊՈՒՄ ԳԵՎՈՐԳՅԱՆ ՃԵՄԱՐԱՆՈՒՄ
ՀՀ Զինված ուժերում ընթացող բարեփոխումների շրջանակում, Պաշտպանության նախարարի և Ամենայն Հայոց Կաթողիկոսի միջև ձեռք բերված պայմանավորվածության շնորհիվ Էջմիածնի Գևորգյան հոգևոր ճեմարանում շարունակվում են հանդիպումները Զինված ուժերի բարձրագույն սպայակազմի ներկայացուցիչների ու ճեմարանի սաների միջև, որոնք նպատակ ունեն բարձրացնելու հոգևորական ուսանողների իմացության մակարդակը Զինված ուժերում տեղի ունեցող զարգացումների, բանակային առօրյայի վերաբերյալ: Ս. թ. սեպտեմբերի 18-ին Մայր Աթոռ Սուրբ Էջմիածնի Գևորգյան հոգևոր ճեմարանում տեղի ունեցավ ՀՀ ՊՆ Ազգային ռազմավարական հետազոտությունների ինստիտուտի (ԱՌՀԻ) «Հայկական բանակ» ռազմագիտական հանդեսի գլխավոր խմբագրի տեղակալ, հոգեբանական գիտությունների թեկնածու, դոցենտ, գնդապետ Վազգեն Մարգարյանի և հանդեսի Գիտական խմբագրման բաժնի պետ, հոգեբանական գիտությունների թեկնածու, փոխգնդապետ Զարզանդ Ասատրյանի հանդիպումը ճեմարանի տեսչության անդամների և սաների հետ: <img height="185" width="500" align="middle" alt="" src="/UserFiles/Image/chem-5.jpg"/>
19/09/2009
ԱվելինՀՀ նախագահի հրամանագրով շնորհվել են զինվորական կոչումներ
ՀՀ նախագահ Սերժ Սարգսյանը սեպտեմբերի 17-ին հրամանգրեր է ստորագրել Հայաստանի Հանրապետության զինված ուժերի գլխավոր շտաբի պետի տեղակալ, գեներալ-մայոր Հայկազ Պապիկի ԲԱՂՄԱՆՅԱՆԻՆ եւ Հայաստանի Հանրապետության զինված ուժերի գլխավոր շտաբի պետի տեղակալ, գեներալ-մայոր Արշալույս Զավենի ՓԱՅՏՅԱՆԻՆ գեներալ-լեյտենանտի զինվորական կոչում շնորհելու մասին: Հանրապետության Նախագահի նույն օրվա այլ հրամանգրերով Հայաստանի Հանրապետության պաշտպանության նախարարության 1-ին բանակային կորպուսի հրամանատար, գնդապետ Պողոս Լյովայի ՊՈՂՈՍՅԱՆԻՆ եւ Հայաստանի Հանրապետության զինված ուժերի գլխավոր շտաբի հետախուզության վարչության պետ-գլխավոր շտաբի պետի տեղակալ, գնդապետ Արշակ Հենզրիկի ԿԱՐԱՊԵՏՅԱՆԻՆ շնորհվել է գեներալ-մայորի զինվորական կոչում:
19/09/2009
ԱվելինՀՀ նախագահի հրամանագրով ՀՀ պաշտպանության նախարարության մի խումբ աշխատակիցներ պարգեւատրվել են ՀՀ շքանշաններով եւ մեդալներով
ՀՀ նախագահ Սերժ Սարգսյանը սեպտեմբերի 17-ին հրամանագիր է ստորագրել Հայաստանի Հանրապետության անկախության հռչակման 18-րդ տարեդարձի առթիվ, զորքերի մարտական պատրաստվածության ապահովման գործում ներդրած նշանակալի ավանդի, ինչպես նաեւ ցուցաբերած արիության եւ անձնական խիզախության համար ՀՀ պաշտպանության նախարարության մի խումբ աշխատակիցների ՀՀ շքանշաններով եւ մեդալներով պարգեւատրելու մասին:
19/09/2009
ԱվելինԻ գիտություն ԶԼՄ-ների ներկայացուցիչների
Ս.թ. սեպտեմբերի 22-ին` ժամը 10.00-ին, ՀՀ ՊՆ խաղաղապահ բրիգադում տեղի կունենա հայ-ամերիկյան պաշտպանական համագործակցության ծրագրի շրջանակներում ԱՄՆ ԶՈՒ հրահանգիչների կողմից ՀՀ ՊՆ խաղաղապահ բրիգադի սպայական կազմի, պաշտպանության նախարարության և զինված ուժերի գլխավոր շտաբի մի շարք վարչությունների ներկայացուցիչների համար ԱՄՆ զինված ուժերի գումարտակի /բրիգադի/ մակարդակով կազմակերպչական կառուցվածքի, իրականացվող գործառույթների, ռազմական որոշումների ձևավորման, կայացման գործընթացի վերաբերյալ կազմակերպված 8 շաբաթյա շտաբային վարժանքի ավարտական արարողությունը: Միջոցառումը լուսաբանել ցանկացող լրատվամիջոցների ներկայացուցիչների մուտքն ազատ է:
18/09/2009
Ավելին