Հայերեն
English
Русский
Վարչության գործունեության մասին
- իրականացնում է Նախարարության և ՀՀ զինված ուժերի գլխավոր շտաբի (այսուհետ` ԶՈՒ ԳՇ) կառուցվածքային ստորաբաժանումների, զինված ուժերի զորամիավորումների, միավորումների ու զորամասերի կառուցվածքային և հաստիքային փոփոխությունների վերաբերյալ ներկայացված առաջարկների ուսումնասիրման, փոփոխությունների անհրաժեշտության և նպատակահարմարության մասին կարծիքների տրամադրման, վերաբերող մասով կազմհաստիքային հրամանների նախագծերի մշակման և ստորագրման ներկայացման աշխատանքները,
- համագործակցում է միջազգային խորհրդատվական կազմակերպությունների, օտարերկրյա պաշտպանական գերատեսչությունների անձնակազմի կառավարման մարմինների, ՀՀ պետական մարմինների, Նախարարության և ԶՈՒ ԳՇ կառուցվածքային ստորաբաժանումների, ենթակա պետական հիմնարկների, կազմակերպությունների և զինված ուժերի ստորաբաժանումների հետ՝ Նախարարության համակարգի քաղաքացիական անձնակազմի կառավարման առկա խնդիրները լուծելու համար,
- իրականացնում է ՀՀ վարչապետին ներկայացվող պետական պաշտոնների վերաբերյալ կադրային առաջարկների նախապատրաստման աշխատանքները,
- իրականացնում է Նախարարության ենթակա կազմակերպությունների մրցութային կարգով համալրման ենթակա և քաղաքացիական ծառայության թափուր պաշտոններ զբաղեցնելու համար անցկացվող մրցույթների նախապատրաստական և կազմակերպչական աշխատանքները,
- իրականացնում է Նախարարի, Նախարարի տեղակալների, Գլխավոր քարտուղարի քաղաքացիական անձնակազմի կառավարման գծով անհատական հրամանների, աշխատանքային, այդ թվում նաև ժամկետային աշխատանքային պայմանագրերի, նախագծերի նախապատրաստման և ստորագրման ներկայացման աշխատանքները,
- քաղաքացիական ծառայության տեղեկատվական հարթակում (այսուհետ` Հարթակ) իրականացնում է քաղաքացիական ծառայության պաշտոնների անվանացանկի վարման աշխատանքները,
- իրականացնում է Հարթակում Նախարարության պետական պաշտոններ զբաղեցնող անձանց, քաղաքացիական ծառայողների հաշվառման, անձնական գործերի, գրանցամատյանի և կադրերի ռեզերվի վարման, ինչպես նաև անհրաժեշտ իրավական ակտերի, փաստաթղթերի և դրանցում առկա տեղեկատվության մուտքագրման աշխատանքները,
- իրականացնում է Նախարարության համակարգի քաղաքացիական աշխատանք կատարողների և տեխնիկական սպասարկում իրականացնողների հաշվառման, նրանց առողջապահական փաթեթի հասանելիությունն ապահովելու նպատակով էլեկտրոնային շտեմարանի վարման աշխատանքները,
- իրականացնում է Նախարարության քաղաքացիական ծառայության պաշտոնների անվանացանկում փոփոխություններ կատարելու առաջարկների նախապատրաստման, ՀՀ վարչապետի աշխատակազմի քաղաքացիական ծառայության գրասենյակ (այսուհետ` Գրասենյակ) համաձայնեցման ուղարկման և Գլխավոր քարտուղարի հաստատմանը ներկայացման աշխատանքները,
- Նախարարության կառուցվածքային ստորաբաժանումների հետ համատեղ իրականացնում է քաղաքացիական ծառայության պաշտոնների վերլուծության, գնահատման և դասակարգման, մասնագիտական գիտելիքների շրջանակի սահմանման, պաշտոնների անձնագրերի, դրանցում կատարվող փոփոխությունների նախագծերի նախապատրաստման, Գրասենյակ համաձայնեցման ուղարկման և Գլխավոր քարտուղարի հաստատմանը ներկայացման աշխատանքները,
- իրականացնում է Նախարարության պետական պաշտոններ զբաղեցնող անձանց և քաղաքացիական ծառայողներին ծառայողական վկայականների տրամադրման և հաշվառման աշխատանքները,
- իրականացնում է քաղաքացիական ծառայողների կողմից անհամատեղելիության պահանջների, այլ սահմանափակումների, վարքագծի կանոնների խախտումների և շահերի բախման, նվերների ընդունման սահմանափակումների խախտման դեպքերի վիճակագրության վարման, քաղաքացիական ծառայողների բարեվարքության պլանների նախագծերի մշակման և բարեվարքության պահպանմանն ուղղված աշխատանքները,
- իրականացնում է քաղաքացիական ծառայողների վերապատրաստման կարիքների գնահատման և վերապատրաստման գործընթացի կազմակերպման աշխատանքները,
- վերապահված լիազորությունների շրջանակներում օտարերկրյա պաշտպանական գերատեսչությունների, միջազգային կազմակերպությունների հետ վարում է բանակցություններ` քաղաքացիական ծառայողներին վերապատրաստելու շրջանակներում փոխգործակցելու նպատակով,
- վերապահված լիազորությունների շրջանակներում իրականացնում է քաղաքացիական անձնակազմի արձակուրդների տրամադրման ժամանակացույցների կազմման և հաստատման ներկայացման աշխատանքները,
- վերապահված լիազորությունների շրջանակներում իրականացնում է աշխատաժամանակի հաշվարկի տեղեկագրի վարման աշխատանքները,
- քաղաքացիական անձնակազմի կառավարմանն առնչվող օրենսդրական կարգավորումները պարզաբանելու և մեթոդական խորհրդատվություն տրամադրելու համար կազմակերպում է մասնագիտական հավաք-խորհրդակցություններ,
- վերահսկում է Նախարարության համակարգի ստորաբաժանումների կողմից քաղաքացիական անձնակազմի հետ աշխատանքային հարաբերությունների կազմակերպման գործընթացը,
- ուսումնասիրում է անձնակազմի կառավարմանն առնչվող օրենքներում և ենթաօրենսդրական իրավական ակտերում փոփոխություններ ու լրացումներ կատարելու մասին առաջարկները, դրանցվերաբերյալ տրամադրում մասնագիտական կարծիքներ, անձնակազմի կառավարմանն առնչվող օրենսդրությունը կատարելագործելու նպատակով նախապատրաստում է առաջարկներ ևմշակում իրավական ակտերի նախագծեր,
- մշակում և սահմանված կարգով հաստատման է ներկայացնում քաղաքացիական անձնակազմի կառավարմանն առնչվող օրենքներից կամ այլ իրավական ակտերից բխող Նախարարի հրամանների և դրանցում փոփոխություններ կամ լրացումներ կատարելու մասին հրամանների նախագծերը,
- վերապահված լիազորությունների շրջանակներում մասնակցում է միջնաժամկետ ծախսային ծրագրերի և տարեկան բյուջետային հայտերի կազմման գործընթացին,
- պլանավորում է պետական պաշտոններ զբաղեցնող անձանց և քաղաքացիական ծառայողների տարեկան միջին թվաքանակները,
- վերապահված լիազորությունների շրջանակներում իրականացնում է անհրաժեշտ ապրանքների, աշխատանքների ու ծառայությունների գնման պլանավորման, հայտերի ձևակերպման և մատակարարված ապրանքների ու մատուցված ծառայությունների գնահատման աշխատանքները,
- վերապահված լիազորությունների շրջանակներում իրականացնում է Գլխավոր քարտուղարի կողմից Նախարարության քաղաքացիական ծառայողների և աշխատողների խրախուսման կազմակերպման գործընթացը,
- վերապահված լիազորությունների շրջանակներում իրականացնում է տեղեկանքների տրամադրման աշխատանքները