Ս.թ. մարտի 26-ին ՀՀ պաշտպանության նախարար, ՀՀ նախագահին առընթեր ազգային անվտանգության խորհրդի քարտուղար Սերժ Սարգսյանի գլխավորած պատվիրակությունը պաշտոնական այցով կմեկնի Չինաստանի Ժողովրդական Հանրապետություն:

Այցի շրջանակներում նախատեսվում են հանդիպումներ ՉԺՀ բարձրաստիճան պետական և ռազմական գործիչների հետ: Ծրագրով նախատեսվում են նաև այցելություններ Չինաստանի ռազմաուսումնական հաստատություններ և զորամիավորումներ: Մարտի 29-ին պատվիրակությունը կվերադառնա Երևան: