Ս.թ. հոկտեմբերի 18-ից 20-ը ՀՀ պաշտպանության նախարար Միքայել Հարությունյանի գլխավորած պատվիրակության պաշտոնական այցի արդյունքում ստորագրվեց Հայաստանի  Հանրապետության և Բելառուսի Հանրապետության պաշտպանության նախարարությունների  միջև 2008թ. համագործակցության ծրագիրը:

Այցի շրջանակներում պատվիրակությունը հանդիպումներ է ունեցել ԲՀ պաշտպանության նախարար, գեներալ-գնդապետ Լեոնիդ Մալցևի, ԲՀ ցամաքային զորքերի գլխավոր հրամանատար գեներալ-մայոր Նիկիտինի, ԲՀ պետական ռազմաարդյունաբերական կոմիտեի նախագահ Ազամատովի, ինչպես նաև Մինսկի և Սլուցկի Միտրոպոլիտ, Համայն Բելառուսի Պատրիարքության Տեղապահ, Գերսրբազան Ֆիլարեթի հետ: ՀՀ ՊՆ պատվիրակությունը այցելեց նաև ենթասպաների և կրտսեր մասնագետների պատրաստման 72-րդ միացյալ գվարդիական ուսումնական կենտրոն: Այցի ընթացքում կողմերը քննարկել են հայ-բելառուսական ռազմական և ռազմաարդյունաբերական համագործակցության ներկա վիճակը և զարգացման հեռանկարները: