Ս.թ. դեկտեմբերի 7-ին ՀՀ պաշտպանության նախարար Միքայել Հարությունյանն ընդունեց ՀՀ-ում Բուլղարիայի Հանրապետության արտակարգ և լիազոր դեսպան պրն. Ստեֆան Դիմիտրովին` վերջինիս` Հայաստանում դիվանագիտական առաքելությունն ավարտելու կապակցությամբ:

Նախարարը փաստեց, որ դեսպան Դիմիտրովի պաշտոնավարման տարիներին հայ-բուլղարական հարաբերությունները նկատելի զարգացում են ապրել, այդ թվում նաև ռազմական ու ռազմատեխնիկական ոլորտներում, ինչը պարտավորեցնում է հարաբերությունների էլ ավելի խորացում: Մ.Հարությունյանը նշեց, որ ներկայումս ՀՀ զինված ուժերում իրականացվող պաշտպանական բարեփոխումների գործընթացում արդյունավետ կարող է լինել մեր բուլղարացի գործընկերների փորձը: Հանդիպման ավարտին նախարարը հաջողություններ մաղթեց Ստեֆան Դիմիտրովին` հետագա գործունեության մեջ և անձնական կյանքում: