Հայերեն
English
Русский
Ինքնախաբեության հերթական դրսևորումը Ադրբեջանում
Ադրբեջանի պաշտպանության նախարարության մամուլի ծառայության ղեկավարը նախօրեին կրկին հանդես է եկել մի շարք հայտարարություններով, որտեղ արդեն հերթական ձանձրացնող սուտն է տարածել ՀՀ բնակչության թվաքանակի, զինված ուժերի համալրման և սահմանային միջադեպերի մասին: Իրականությանը չեն համապատասխանում այն տեղեկությունները, որ Հայաստանն ունի մարդկային ռեսուրսի պակաս և չի կարողանում կազմավորել անհրաժեշտ ստորաբաժանումները: Այս առնչությամբ ՀՀ պաշտպանության նախարարությունը հայտարարում է. աշնանային զորակոչն ընթանում է ըստ ժամանակացույցի և արդեն ավելի քան 70 տոկոսով իրականացվել է զորքերի համալրումը:
11/12/2009
Ավելին10/12/2009
ԱվելինԱՏԵՆԱԽՈՍՈՒԹՅԱՆ ՀՐԱՊԱՐԱԿԱՅԻՆ ՊԱՇՏՊԱՆՈՒԹՅՈՒՆ՝ ՀՀ ՊՆ ԱՌՀԻ-ՈՒՄ
2009թ. դեկտեմբերի 10-ին ՀՀ ՊՆ Ազգային ռազմավարական հետազոտությունների ինստիտուտում (ԱՌՀԻ) տեղի ունեցավ ՀՀ ԲՈՀ-ի «Քաղաքական ինստիտուտներ և գործընթացներ» և «Միջազգային հարաբերություններ» մասնագիտությունների գծով գիտական աստիճաններ շնորհող նորաստեղծ մասնագիտական խորհրդի նիստը, որի օրակարգում էր ԵՊՀ կիրառական սոցիոլոգիայի ամբիոնի վարիչ, Ֆուլբրայթ ակադեմիական ծրագրի շրջանավարտ, քաղաքական գիտությունների թեկնածու Արթուր Աթանեսյանի «Քաղաքական ինստիտուտներ և գործընթացներ» մասնագիտությամբ քաղաքական գիտությունների դոկտորի գիտական աստիճանի հայցման համար ներկայացված «Կոնֆլիկտային հաղորդակցությունները և տեղեկատվական անվտանգության հիմնախնդիրները» ատենախոսության հրապարակային պաշտպանությունը: <img height="185" width="500" align="middle" src="/UserFiles/Image/arhi-2009-12-11-c.jpg" alt=""/>
10/12/2009
ԱվելինԻ գիտություն ԶԼՄ-ների ներկայացուցիչների
Դեկտեմբերի 10-ին` ժամը 14.00-ին, ՀՀ ՊՆ Ազգային ռազմավարական հետազոտությունների ինստիտուտում տեղի կունենա ՀՀ ԲՈՀ-ի «Քաղաքական ինստիտուտներ և գործընթացներ» ու «Միջազգային հարաբերություններ» մասնագիտությունների գծով գիտական աստիճաններ շնորհող նորաստեղծ խորհրդի անդրանիկ նիստը: Նիստի օրակարգում ընդգրկված է «Քաղաքական ինստիտուտներ և գործընթացներ» մասնագիտությամբ քաղաքական գիտությունների դոկտորի գիտական աստիճանի հայցման համար քաղաքական գիտությունների թեկնածու, ԵՊՀ կիրառական սոցիոլոգիայի ամբիոնի վարիչ Արթուր Աթանեսյանի ներկայացրած «Կոնֆլիկտային հաղորդակցությունները և տեղեկատվական անվտանգության հիմնախնդիրները» ատենախոսության հրապարակային պաշտպանությունը: Միջոցառումը լուսաբանել ցանկացող ԶԼՄ-ների ներկայացուցիչները դեկտեմբերի 10-ին` ժամը 14.00-ին հրավիրվում են ՀՀ ՊՆ ԱՌՀԻ: Հասցեն՝ Կ. Ուլնեցու 56/6, հեռ.՝ 28-73-21: ՀՀ ՊՆ տեղեկատվության և հասարակայնության հետ կապերի վարչություն
09/12/2009
Ավելին08/12/2009
ԱվելինՀՀ պաշտպանության նախարարն ընդունեց ՀՀ-ում Մեծ Բրիտանիայի և Հյուսիսային Իռլանդիայի Թագավորության արտակարգ և լիազոր դեսպանին
Դեկտեմբերի 8-ին ՀՀ պաշտպանության նախարար Ս.Օհանյանը ընդունեց Հայաստանում Մեծ Բրիտանիայի և Հյուսիսային Իռլանդիայի Թագավորության արտակարգ և լիազոր դեսպան Չարլզ Լոնսդեյլին և դեսպանության ռազմական կցորդ, փոխգնդապետ Նիկ Ռիդաուտին: Հանդիպման ընթացքում քննարկվեցին երկուստեք հետաքրքրություն ներկայացնող հարցեր, մասնավորապես` պաշտպանության ռազմավարական վերանայման ընթացքը և հեռանկարները: Նշվեց, որ բրիտանական աջակցությունն այս գործընթացին հանդիսանում է հայ-բրիտանական երկկողմ ռազմական հարաբերությունների կարևորագույն ծրագրերից մեկը, և բրիտանական կողմը կանի առավելագույնս ծրագիրը շարունակելու ուղղությամբ: Ողջունելով ՀՀ մասնակցությունը Աֆղանստանի միջազգային աջակցման ուժերում` դեսպան Լոնսդեյլը նշեց, որ բարձր է գնահատում Հայաստան-ՆԱՏՕ, Հայաստան-Մեծ Բրիտանիա համագործակցությունը և իր հերթին պատրաստ է աջակցել հարաբերություններն էլ ավելի խորացնելուն: <img height="185" width="500" align="middle" src="/UserFiles/Image/britain-2009-12-08-a.jpg" alt=""/>
08/12/2009
ԱվելինՍ. Օհանյանի աշխատանքային այցը Շիրակի մարզ
Դեկտեմբերի 6-ին պաշտպանության նախարար Սեյրան Օհանյանն աշխատանքային այցով եղել է Շիրակի մարզում: <img height="167" width="250" align="left" src="/UserFiles/Image/gyumri-2009-12-06.jpg" alt=""/>Մարզում տեղակայված առանձին զենիթահրթիռային տեխնիկական բազայում նախարարը ծանոթացել է զորամասի խնդիրներին ու պայմաններին, զրուցել զինանձնակազմի հետ, կարևորել զորամասի դերը ԶՈՒ ՀՕՊ համակարգը մարտունակ պահելու գործում:
07/12/2009
ԱվելինԱրժանի գնահատանք խիզախ զինվորին
<img height="166" width="250" align="left" src="/UserFiles/Image/khizakh-arark-2009-12-05-b.jpg" alt=""/>Երբեմն ծառայության և հատկապես մարտական հերթապահության ժամանակ զինվորը հայտնվում է այնպիսի արտակարգ իրավիճակում, որ հարկ է լինում արագ կողմնորոշվել, կամք և խիզախություն ցուցաբերել: Թեև Հայկ Հակոբյանը շուրջ 15 օր առաջ ավարտել է ժամկետային զինծառայությունը, բայց մինչ զորացրվելը՝ մարտական հերթապահություն իրականացնելիս, ականապատված դաշտից դուրս է բերել ականի պայթյունի հետևանքով զոհված իր հրամանատարին: Եվ ահա բարձր գնահատելով նախկին զինծառայողի արարքը` դեկտեմբերի 5-ին պաշտպանության նախարար Սեյրան Օհանյանը Հայկ Հակոբյանին պարգևատրեց «Վազգեն Սարգսյան» գերատեսչական մեդալով: Ի դեպ, Հայկ Հակոբյանը ցանկություն է հայտնել որպես պայմանագրային զինծառայող համալրել ազգային բանակի շարքերը: ՀՀ ՊՆ տեղեկատվության և հասարակայնության հետ կապերի վարչություն
05/12/2009
ԱվելինՍ. Օհանյանը ՀՀ ՊՆ ՔՎ նոր մասնաշենքում
<img height="166" width="250" align="left" src="/UserFiles/Image/qnnchakan-2009-12-05-b(1).jpg" alt=""/>Դեկտեմբերի 5-ին պաշտպանության նախարար Սեյրան Օհանյանն այցելեց վերջերս հիմնովին վերանորոգված ՊՆ քննչական վարչության նոր մասնաշենք, ծանոթացավ կատարված շինարարական աշխատանքներին: Պատշաճ մակարդակով վերանորոգումը, հարմարավետ աշխատասենյակները քննիչներին ծառայությունն առավել արդյունավետ կազմակերպելու հնարավորություն կընձեռեն: Այցի ընթացքում Սեյրան Օհանյանը քննչական վարչության պետ, գեներալ-մայոր Արմեն Հարությունյանին խորհրդանշական նվեր հանձնեց: Այցի շրջանակում պաշտպանության նախարարը եղավ նաև վերանորոգված մարզասրահում, ինչպես նաև հանդիպեց բարձրագույն սպայական զինվորական խորհրդի անձնակազմին: ՀՀ ՊՆ տեղեկատվության և հասարակայնության հետ կապերի վարչություն
05/12/2009
Ավելին04/12/2009
ԱվելինՍ. Օհանյանը եղավ ՊՆ ՌՈ հատուկ նշանակության գումարտակում
ՀՀ պաշտպանության նախարարը դիտարկեց ՌՈ հատուկ նշանակության ստորաբաժանումների կողմից ցուցադրված մարտական վարժանքները: Դեկտեմբերի 4-ին ՀՀ պաշտպանության նախարար Սեյրան Օհանյանն աշխատանքային այցով եղավ ՊՆ ռազմական ոստիկանության հատուկ նշանակության գումարտակում: Այցի շրջանակում Սեյրան Օհանյանը ծանոթացավ գումարտակի խնդիրներին ու գործառույթներին, անձնակազմի համալրվածությանը և ծառայողական պայմաններին, ինչպես նաև հրամկազմի հետ քննարկեց զորամասում շինարարական աշխատանքներ իրականացնելուն առնչվող խնդիրներ: <img height="185" width="500" align="middle" src="/UserFiles/Image/vostikanutyun-3.jpg" alt=""/>
04/12/2009
ԱվելինԻ պատասխան «Առավոտ» օրաթերթի հրապարակմանը
«Առավոտ» օրաթերթում 19.11.2009թ. տպագրված «Արաբկիրի զինկոմիսարիատը դեռ զարմացնում է» (հեղինակ` Ռուզան Մինասյան) և 02.12.2009թ. տպագրված «Զորակոչիկին` տարկետում» հրապարակումների առնչությամբ պարզաբանում ենք. Անկողմնակալ լրատվամիջոցի համբավ ունեցող «Առավոտ» օրաթերթը «հասարակության շահերը պաշտպանելու» կարգախոսի ներքո շարունակում է ապատեղեկացնել և մոլորեցնել այդ նույն հասարակությանը: Այսպես` օրաթերթի նոյեմբերի 19-ի համարում տեղ է գտել Ռուզան Մինասյանի «Արաբկիրի զինկոմիսարիատը դեռ զարմացնում է» վերտառությամբ հոդվածը, որտեղ զինկոմիսարիատը ներկայացվում է որպես մի անհոգի, հակամարդկային հաստատություն, որը պատրաստ է նույնիսկ հիվանդ զինակոչիկին ամեն գնով զինվորական ծառայության ուղարկելու: Խոսքն այս դեպքում վերաբերում է զորակոչիկ Մհեր Մկրտչյանի գործին: Հոդվածի հրապարակումից հետո, ՀՀ պաշտպանության նախարարի հանձնարարությամբ, ՀՀ ՊՆ վերստուգիչ-վերահսկիչ վարչության ստուգող խմբի անդամները հանդիպել են Արաբկիրի զինկոմ Ա. Ուլիխանյանին, զորակոչիկ Մհեր Մկրտչյանին և նրա հարազատներին, ինչպես նաև ուսումնասիրել են զինակոչիկի անձնական գործը:
04/12/2009
Ավելին