Գիտաժողովին զեկույցներով հանդես եկան պաշտպանության նախարարության ներկայացուցիչներ, կրթության ոլորտի և հասարակական կազմակերպությունների անդամներ, Պետրոս Ղևոնդյանի մարտական ընկերները: Վերջիններս իրենց զեկույցներում, ներկայացնելով Պետոյի կյանքն ու գործունեությունը, կարևորեցին այն դերակատարությունը, որ ունեցել է Հերոսը Արցախի ազատագրական պայքարի գործում. նա եղել է այն հայորդիներից մեկը, ով իր մեջ կրել է ռազմագետի և մտավորականի որակները: Կրթության ոլորտի ներկայացուցիչներն իրենց ելույթներում ներկայացրեցին այն աշխատանքները, որ կատարում են մատաղ սերնդի ռազմահայրենասիրական դաստիարակության ուղղությամբ` նշելով այդ ուղղությամբ առկա ձեռքբերումները, ինչպես նաև այն խնդիրները, որոնց լուծումը պահանջում է համակարգված մոտեցում: Գիտաժողովը կազմակերպել էր ՀՀ պաշտպանության նախարարությունը և Զարգացման ծրագրերի հայկական կենտրոնը: