Ստորագրված հուշագրերով նախատեսված միջոցառումների շրջանակներում կազմակերպվելու են ուսանողների այցելություններ նախարարության ստորաբաժանումներ, ուսանողներին հնարավորություն կընձեռվի մասնակցել նախարարության կազմակերպած միջոցառումներին, հանդիպումներին, կլոր սեղաններին, քննարկումներին, դասախոսություններին: Դրանք կնպաստեն նաև ուսանողների տեսական և գործնական գիտելիքների զարգացմանը, մասնագիտական հմտությունների խորացմանը, նպաստելով նաև պաշտպանական գերատեսչության աշխատանքներին: Միջոցառմանը մասնակցող ռեկտորները պաշտպանության նախարարին շնորհակալություն են հայտնել համագործակցության ընդլայնման համար: