Ս.թ. հուլիսի 2-ին ՀՀ պաշտպանության նախարար Միքայել Հարությունյանն ընդունեց Հայաստանի Հանրապետությունում ԱՄՆ դեսպանության գործերի ժամանակավոր հավատարմատար Էնթոնի Գոդֆրեյին` ռազմական կցորդ, գնդապետ Ռասել Գրիմլեյի` Հայաստանում պաշտոնավարման ժամկետը լրանալու կապակցությամբ:

Հանդիպման սկզբում Է.Գոդֆրեյը նախարարին ներկայացրեց նորանշանակ ռազմական կցորդ, փոխգնդապետ Ռոբերտ Բեքստերին: Մ.Հարությունյանը շնորհակալություն հայտնեց Ռասել Գրիմլեյին` արդյունավետ համագործակցության համար և հաջողություն մաղթեց հետագա առաքելություններում` պարգևատրելով վերջինիս ՀՀ ԶՈՒ «Դրաստամատ Կանայան» մեդալով: Հանդիպման ընթացքում կողմերը քննարկեցին ռազմական բնագավառում երկկողմ հարաբերությունների ներկա վիճակին և դրանք առավել խորացնելու հեռանկարներին առնչվող հարցեր: Հանդիպման ավարտին Միքայել Հարությունյանը շնորհավորեց նորանշանակ ռազմական կցորդ, փոխգնդապետ Ռ. Բեքստերին` հույս հայտնելով, որ երկուստեք ռազմական համագործակցությունն էլ ավելի կընդլայնվի վերջինիս պաշտոնավարման ընթացքում: