Արարողության մասնակիցները ծաղիկներ և ծաղկեպսակներ են դրել ՀՀ պաշտպանության նախարարության և «Զինվոր» հասարակական կազմակերպությունների համակարգող խորհրդի համատեղ ջանքերով դպրոցի բակում կառուցված հուշաքարին: Դպրոցի նորաբաց դասարանում պաշտպանության նախարար Սեյրան Օհանյանը անցկացրեց արիության դաս` կարևորելով ավագ դպրոցի աշակերտների նախազորակոչային պատրաստությունը, երիտասարդ սերնդին հայրենասիրական ոգով դաստիարակման անհրաժեշտությունը: Արսեն Հարությունյանի մայրը` «Զինվոր» հասարակական կազմակերպությունների համակարգող խորհրդի նախագահ Մարգարիտա Խաչատրյանն իր խոսքում երախտագիտություն է հայտնել պաշտպանության նախարարին` շեշտելով պաշտպանության նախարարության և անձամբ Սեյրան Օհանյանի պատրաստակամությունը զոհված զինծառայողների և ազատամարտիկների ընտանիքներին աջակցություն ցուցաբերելու գործում: