Աշխատության մեջ առաջին անգամ ծավալուն ներկայացվում են հայկական մատենագրության, ճարտարապետության, պատկերաքանդակների, լուսանկարների եւ նյութական մշակույթի այլ օրինակներում պահպանված հայկական զինանշանները, դրոշները, պետական ու ազգային խորհրդանշանները: Ողջունելով շնորհանդեսի մասնակիցներին և կարևորելով Հայկ Դեմոյանի կատարած աշխատանքը` ՀՀ պաշտպանության նախարար Սեյրան Օհանյանը խորհրդանշական է համարել այն հանգամանքը, որ շնորհանդեսը տեղի է ունենում ՀՀ զինված ուժերի 21-րդ տարեդարձի կապակցությամբ կազմակեպված միջոցառումների շրջանակում: «Սա պետք է զինվորականների համար յուրատեսակ դասագիրք և սեղանի գիրք լինի»,- շեշտել է պաշտպանության նախարարը: