Պարապմունքների անցկացման համար Երևան է ժամանել Պաշտպանական ակադեմիաների և անվտանգային հետազոտությունների ինստիտուտների Գործընկերություն Հանուն Խաղաղության Կոնսորցիումի մեթոդիստների խումբը: Աշխատաժողովին մասնակցում է ՀՀ ՊՆ Վ.Սարգսյանի անվան ռազմական, Մարշալ Ա.Խանփերյանցի անվան ռազմական ավիացիոն, Դրաստամատ Կանայանի անվան Ազգային ռազմավարական հետազոտությունների ինստիտուտների և Մոնթե Մելքոնյանի անվան ռազմամարզական վարժարանի պրոֆեսորադասախոսկանա կազմը: Եռօրյա աշխատաժողովի ընթացքում մասնակիցները ձեռք կբերեն արդիական գիտելիքներ ու հմտություններ առաջադեմ ռազմական կրթօջախներում կիրառվող դասավանդման մեթոդիկայի, պարապմունքների պլանավորման և դրանց արդյունքների գնահատման վերաբերյալ: Աշխատաժողովը կեզրափակվի հոկտեմբերի 25-ին: