Ս.թ. ապրիլի 21-ից 22-ը Հայաստանի Հանրապետությունում էր Գերմանիայի Դաշնային Հանրապետության պաշտպանության նախարարության փորձագետ Հ.Մելշայմերը: Նրա այցի նպատակն էր խորհրդատվություն տրամադրել ՀՀ ՊՆ փորձագետներին ՀՀ զինված ուժերում քաղաքացիական ծառայության ներդրման գործընթացի վերաբերյալ:

Երկօրյա սեմինարների արդյունքում ՀՀ ԶՈՒ ներկայացուցիչները հանգամանորեն ծանոթացան Գերմանիայի զինված ուժերի կառուցվածքին և բանակային քաղծառայողների գործառույթներին: Գերմանիայի զինված ուժերի ներկայացուցիչը, ինչպես նաև Հայաստանում ԳԴՀ ռազմական կցորդ, գնդապետ Բ.Պաուլոսը հանդիպումներ ունեցան ՀՀ պաշտպանության նախարարի տեղակալ Ա.Նազարյանի և ՀՀ ՊՆ պաշտպանական քաղաքականության վարչության պետ, գնդապետ Դ.Տոնոյանի հետ: Հանդիպումների ընթացքում ամփոփվեցին հանդիպումների արդյունքները և պայմանավորվածություններ ձեռք բերվեցին հետագայում նման միջոցառումները շարունակելու վերաբերյալ, քանի որ դրանք նպաստում են ՀՀ զինված ուժերում պաշտպանական բարեփոխումների իրականացմանը: