Որոնել
  • Գլխավոր
  • Լուրեր
  • ՀՀ նախագահն Արարատի մարզում մասնակցել է Բանակի օրվան նվիրված միջոցառմանը

ՀՀ նախագահն Արարատի մարզում մասնակցել է Բանակի օրվան նվիրված միջոցառմանը

29 Հունվարի, 2020 19:19
Հայաստանի Հանրապետության նախագահ Արմեն Սարգսյանը հունվարի 28-ին Արարատի մարզում մասնակցել է Բանակի օրվան նվիրված տոնական միջոցառմանը: Միջոցառմանը մասնակցել են նաև ՀՀ պաշտպանության նախարարի տեղակալ Գաբրիել Բալայանը, ԶՈւ ԳՇ պետի 1-ին տեղակալ, գեներալ-լեյտենանտ Օնիկ Գասպարյանը, բարձրաստիճան զինվորականներ, այլ պաշտոնյաներ:

Հանրապետության նախագահը և տոնական միջոցառման մասնակիցները ծաղիկներ են խոնարհել Հայաստանի ազգային հերոս, Արցախի հերոս Վազգեն Սարգսյանի հուշարձանին և հարգանքի տուրք մատուցել նրա հիշատակին:

Ելույթ ունենալով Բանակի օրվան նվիրված հանդիսավոր նիստում՝ ՀՀ նախագահը մասնավորապես նշել է. «Մեր բանակը ոչ միայն հաղթանակած բանակ է, այլ՝ հաղթական: Մենք բոլորս պետք է հպարտ լինենք, որ ունենք աշխարհի լավագույն բանակներից մեկը: Սա զգացական կոչ չէ միայն. ես, իսկապես, հավատում եմ դրան»:

  • Տարածել