ՀՀ պաշտպանության նախարարությունը հայտարարում է մրցույթ
25 Հունիսի, 2018 19:50Մրցույթին կարող են մասնակցել 2018թ. ամառային զորակոչի ժամանակ զորակոչի ենթակա խորը մասնագիտական գիտելիքներ ու համապատասխան խնդիրներ լուծելու գործնական հմտություններ ունեցող զորակոչիկները` հետևյալ մասնագիտություններով.
ա. ֆիզիկա և ռադիոֆիզիկա,
բ. օպտոէլեկտրոնիկա և ռադիոէլեկտրոնիկա,
գ. նյութաբանություն և քիմիա,
դ. կառավարման համակարգեր և տեղեկատվական տեխնոլոգիաներ,
ե. ռոբոտիկա և ԱԹՍ,
զ. մեքենաշինություն և սարքաշինություն:
Մրցույթին մասնակցելու ցանկություն ունեցող զորակոչիկները մինչև ս.թ. հունիսի 30-ը կարող են գրանցվել http://rapk.mil.am հղումով:
Տեխնոլոգիական վաշտի համալրման ենթակա հաստիքների քանակը 18 է:
Մրցույթը կանցկացվի 3 փուլով.
1-ին փուլ` 07.07.2018թ., ժ. 11:00-ին, Հայաստանի ազգային պոլիտեխնիկական համալսարանի 2-րդ մասնաշենքի ընթերցասրահում (Տերյան փողոց, 105 շենք),
Թեսթավորման փուլի քննության ուղեցույցին կարելի է ծանոթանալ հետևյալ հղումով:
1-ին փուլի արդյունքների բողոքարկման դիմումի ձևն է:
2-րդ փուլ` 13.07.2018թ., ժ. 11:00-ին, Երևանի մաթեմատիկական մեքենաների գիտահետազոտական ինստիտուտում (Հ. Հակոբյան փողոց, 3 շենք),
2-րդ փուլի արդյունքների բողոքարկման դիմումի ձևն է:
3-րդ փուլ` 18.07.2018թ., ժ. 11:00-ին, Երևանի մաթեմատիկական մեքենաների գիտահետազոտական ինստիտուտում (Հ. Հակոբյան փողոց, 3 շենք):
Հարցերի համար գործում է էլ. փոստ՝ texv@mil.am, հեռախոս՝ +374 10 668166
Մրցույթին ներկայացող զորակոչիկներն իրենց հետ պետք է ունենան անձը հաստատող փաստաթուղթ, իսկ http://rapk.mil.am հղումով գրանցված լինելու դեպքում՝ նաև համապատասխան բարձրագույն կրթության ավարտական վկայականի պատճեները կամ, եթե առկա չէ ավարտական վկայական, համապատասխան բարձրագույն ուսումնական հաստատության կողմից տրված տեղեկանք՝ ավարտական քննությունները հանձնած լինելու վերաբերյալ, ինքնակենսագրություն, զինվորական ծառայությանը առողջական վիճակի պատճառով պիտանիության աստիճանի (պիտանի կամ սահմանափակ պիտանի) վերաբերյալ տեղեկանք:
Մրցույթի կարգին կարելի է ծանոթանալ հետևյալ հղումով (հավելված 7, էջ 23-26):